U Bierlinie miarkujuć, što Pryhožyn spyniŭ miaciež z-za niedachopu padtrymki va ŭładzie
Va ŭradzie Hiermanii miarkujuć, što kiraŭnik PVK «Vahnier» Jaŭhien Pryhožyn spyniŭ pachod na Maskvu, bo spadziavaŭsia na bolšuju padtrymku svajho buntu ŭ Rasii. Pra heta stała viadoma niamieckamu vydańniu Der Spiegel, jak paviedamlaje «Jeŭrapiejskaja praŭda».
Pavodle infarmacyi vydańnia, u subotu viečaram Fiederalnaje ministerstva zamiežnych spraŭ i Ministerstva abarony Hiermanii prainfarmavali staršyń kamitetaŭ Bundestaha pa zamiežnych spravach i abaronie ab biahučym raźvićci padziej.
Padčas vusnaha bryfinhu palityčny dyrektar Fiederalnaha ministerstva zamiežnych spraŭ Tervien Biełman i parłamiencki dziaržsakratar pa abaronie Zimte Mioler vykazali dumku, što lidar «Vahniera» Pryhožyn nie atrymaŭ ad rasijskich dziaržaŭnych sił toj padtrymki, na jakuju jon raźličvaŭ padčas sproby pieravarotu, tamu spyniŭ svoj pachod na Maskvu.
Infarmacyju ab źmieście pahadnieńnia pamiž Kramlom i Pryhožynym, a taksama ab miescy znachodžańnia Pucina, ministra abarony Šajhu i načalnika Hienieralnaha štaba Hierasimava pradstaŭniki ŭrada padčas telefonnaj razmovy dać nie zmahli.
Pavodle infarmacyi vydańnia, kamitety pa zamiežnych spravach i abaronie pavinny sabracca na śpiecyjalnaje pasiadžeńnie na pačatku tydnia i abmierkavać hetuju temu.
Nahadajem, ministr zamiežnych spraŭ Hiermanii Analena Bierbak adkłała svoj zapłanavany vizit u PAR na adzin dzień na fonie rasijskaha miaciažu. U subotu Bierbak praviała kansultacyi sa svaimi kalehami ŭ farmacie G7, a ministr abarony Hiermanii Borys Pistoryus abmianiaŭsia mierkavańniami ź ministram abarony ZŠA Łojdam Ościnam.
Čytajcie taksama:
Stała viadoma, kolki vahnieraŭskaj techniki ruchałasia na Maskvu
«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho
Kryminalnaja sprava ŭ dačynieńni da Pryhožyna budzie spynienaja, jon «vyjedzie ŭ Biełaruś» — Piaskoŭ
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha13
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112112
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary