Мэр мексіканскага горада абраў сабе вельмі незвычайную жонку. Вяселле прайшло без інцыдэнтаў
«Я бяру на сябе такую адказнасць, таму што мы кахаем адно аднаго, а без кахання ніякі шлюб немагчымы».
У Мексіцы мэр аднаго з гарадоў згуляў вяселле з сапраўднай кракадзіліхай. Пра гэта 2 ліпеня зняло відэарэпартаж агенцтва Бі-бі-сі.
Мэр мексіканскага горада Сан-Пэдра-Уамелула Віктар Уга Соса ажаніўся з самкай кракадзіла па мянушцы Алісія Адрыяна. На вяселлі жаніх быў апрануты ў святочную кашулю, а нявеста была ў мілай сукенцы з фатой. Таксама Алісіі на ўсялякі выпадак завязалі пашчу, і таму ні жаніх, ні госці падчас свята ніяк не пацярпелі.
Па прызнанні жаніха, ён быў вельмі шчаслівы і закаханы ў сваю новую жонку.
«Я бяру на сябе адказнасць, таму што мы кахаем адно аднаго, гэта самае галоўнае. Без кахання не можа быць шлюбу, таму я пагадзіўся ўзяць у жонкі гэтую маленькую прынцэсу», — заявіў Віктар Уга Соса.
Саюз паміж мужчынам і самкай кракадзіла — гэта рытуал, які праводзіцца ў Сан-Пэдра-Уамелула больш за 230 гадоў. Кракадзіл уяўляе сабой боства, звязанае з маці-зямлёй, а шлюб чалавека з кракадзілам сімвалізуе адзінства людзей і багоў. Мэтай рытуальнага вяселля таксама называюць дары багам, каб тыя, у сваю чаргу, падарылі мясцовым жыхарам поспех, добры ўраджай, росквіт і спакой.
Чытайце яшчэ:
Дэльфіны таксама сюсюкаюць пры размове са сваімі малымі
Зграя касатак патапіла ўжо некалькі яхтаў каля берагоў Еўропы і не збіраецца спыняцца
Каментары