Усяго патроху44

Зграя касатак патапіла ўжо некалькі яхтаў каля берагоў Еўропы і не збіраецца спыняцца

Усё пачалося з адной вельмі помслівай касаткі, якая сабе ў дапамогу пачала збіраць і навучаць іншых суродзічаў. Навукоўцы мяркуюць, што гэта адбываецца з-за яе дзіцячай траўмы.

Зграя касатак. Фота: Wikimedia Commons

4 мая касаткі ў Гібралтарскім праліве атакавалі і патапілі ўжо трэцюю лодку за некалькі месяцаў. Іспанскай берагавой службе давялося ратаваць маракоў, а судна з прабітым касаткамі падводным стырном пайшло на дно. Пра гэта 18 мая паведаміў навуковы часопіс Live Science са спасылкай на мясцовыя СМІ.

Паводле сведчанняў шкіпера трэцяй лодкі, напад здзейснілі тры касаткі: дзве маленькія і адна вялікая. Маленькія трэслі лодку, а вялікая некалькі разоў разганялася і ва ўсю моц яе тараніла. Праз некаторы час маленькія касаткі перанялі паводзіны свайго вялікага суродзіча і некалькі разоў таксама ўразаліся ў лодку.

За два дні да таго ўжо іншая зграя з шасці касатак нападала на яшчэ адзін паруснік, і пасажыры судна назіралі за тым, як маці-касатка вучыла сваё дзіця кідацца на падводнае стырно. Выглядала гэта як сапраўднае навучанне.

«Паводле даследавання, апублікаванага ў чэрвені 2022 года ў часопісе Marine Mammal Science, паведамленні аб падобных сустрэчах з касаткамі ля берагоў Іспаніі і Партугаліі з'явіліся яшчэ ў маі 2020 года, а з цягам часу іх рабілася толькі больш. Напады ў асноўным накіраваныя на ветразевыя лодкі, а самі жывёлы дзейнічаюць па такой схеме: набліжаюцца з кармы, каб ударыць па падводнаму рулю, а як толькі лодка спыняецца ці ламаецца стырно — сплываюць» — піша часопіс Live Science.

Пры гэтым большасць такіх сустрэч былі бяскрыўднымі, аднак з 2020 года іх было больш за 500. Па словах навукоўцаў, агрэсія касатак ў адносінах да яхтаў і іншых паруснікаў — з’ява досыць новая. Яны мяркуюць, што касаткі робяць гэта наўмысна і, верагодна, пачалося гэта з таго, што нейкая траўматычная падзея справакавала змены ў паводзінах адной з касатак: магчыма, у мінулым гэтая жывёліна перажыла сутыкненне з лодкай альбо трапіла ў пастку падчас незаконнай ці звычайнай лоўлі рыбы.

Як вядома, касаткі — вельмі сацыяльныя і развітыя істоты, якія могуць хутка вучыцца і пераймаць паводзіны іншых суродзічаў. Таму, напэўна, папуляцыя касатак каля Іспаніі проста навучылася пераймаць агрэсіўныя паводзіны адной з іх.

«Акрамя таго, касаткі такім чынам могуць абараняць сваю тэрыторыю, бо пасля пачатку такіх нападаў ужо загінула чатыры жывёліны. Іншыя біёлагі, аднак, мяркуюць, што такія паводзіны для саміх касатак — проста гульня, ініцыявана адной ці дзвюма істотамі, а затым падхоплена іншымі» — адзначае Live Science.

Але навукоўцы таксама падкрэсліваюць, што падобныя сутыкненні могуць стаць рэальнай рызыкай для бяспекі маракоў і сур'ёзнай праблемай для захавання папуляцыі касатак, якая ўжо знаходзіцца пад пагрозай знікнення.

Каментары4

  • Забористый вискарь
    23.05.2023
    Lalasticlala, ага, а еще есть боевые гуси и комары))
  • За квіткі плацім! (лепей не трэба, а то мінсктранс дзяржкантора)
    23.05.2023
    [Рэд. выдалена]
  • ПЯТРО САРКАЗМ
    24.05.2023
    Lalasticlala, а лаборатории эти находятся в Украине в подвалах Азовстали. Был там сам, всё видел, говорю как есть.

Цяпер чытаюць

Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана32

Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана

Усе навіны →
Усе навіны

Рубіа павіншаваў расіян з Днём Расіі. Украіна: «Гэта ненармальна»10

Чупрыс пахвалілася, што Лукашэнка задавальняе 50% прашэнняў аб памілаванні. Але што насамрэч значыць гэта статыстыка?3

Падчас катастрофы самалёта ў Індыі маглі загінуць больш за 310 чалавек

Кіт Келаг расказаў пра вяртанне Расіі ў «Лігу Нацый» і параўнаў Зяленскага з Лінкальнам5

У Магілёве злавілі п'янага маршрутчыка, які вёз пасажыраў

Стала вядома, на якім месцы сядзеў пасажыр, які адзіны ацалеў у катастрофе самалёта ў Індыі1

«Дзве Казы» ці нешта іншае? 300 гадоў таму ў Навагрудку была вуліца з інтрыгоўнай назвай1

Польшча ўскладніла ўмовы працаўладкавання і атрымання ДНЖ па працы для замежнікаў19

Нелегалы? «Наша Ніва» папала пад крытыку левых актывістаў за выкарыстанне выразу «нелегальныя мігранты»134

больш чытаных навін
больш лайканых навін

Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана32

Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана

Галоўнае
Усе навіны →

Заўвага:

 

 

 

 

Закрыць Паведаміць