З'яўленне «вагнераўцаў» у лагеры пад Асіповічамі трапіла на спадарожнікавыя здымкі — медыя
The New York Times паказала спадарожнікавыя здымкі лагера пад Асіповічамі, якія, на думку выдання, пацвярджаюць прыбыццё наймітаў ПВК «Вагнер» у Беларусь, заўважыў reform.by.
Як піша выданне, першыя аўтамабілі з'явіліся на спадарожнікавых здымках, датаваных чацвяргом. Грузавікі і іншыя тыпы аўтамабіляў прыбылі ў суботу і нядзелю. На здымках можна разгледзець пікапы і УАЗы. Машыны такога ж тыпу былі заўважныя на відэазапісах руху калон «вагнераўцаў».
Выданне адзначае, што цяжка вызначыць дакладна, якая колькасць «вагнераўцаў» прыбыла ў лагер.
На мінулым тыдні Мінабароны Беларусі заявіла, што ў лагеры каля палігона пад Асіповічамі праходзяць заняткі з тэрытарыяльнымі войскамі, у якіх таксама бяруць удзел байцы ПВК «Вагнер».
15 ліпеня паступілі паведамленні, што ў Беларусь сталі прыязджаць расійскія найміты з ПВК «Вагнер».
У Дзярждуме Расіі ўчора заявілі, што ПВК «Вагнер» патрэбная ў Беларусі для будучага захопу Сувалкскага калідора. Краіны-суседзі адрэагавалі на перамяшчэнні вагнераўцаў спакойна: сочаць, але экстранных мер не прымаюць.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары