У Дзярждуме Расіі заявілі, што ПВК «Вагнер» патрэбная ў Беларусі для будучага захопу Сувалкскага калідора
Кіраўнік камітэта Дзярждумы Расіі па абароне Андрэй Картаполаў у эфіры расійскага тэлебачання раскрыў мэты адпраўкі «вагнераўцаў» у Беларусь.
Руская служба выдання Bild 16 чэрвеня прывяла словы кіраўніка камітэта Дзярждумы РФ па абароне Андрэя Картаполава пра перакідку «вагнераўцаў» у Беларусь, якія той агучыў у эфіры расійскага тэлебачання.
Па словах Картаполава, ПВК «Вагнер» патрэбная ў Беларусі «не столькі для навучання беларускай арміі», а для будучага захопу Сувалкскага калідора.
«Яны там не столькі для навучання беларускіх Узброеных сіл. Ёсць такі Сувалкскі калідор, які ў выпадку чаго нам будзе вельмі патрэбны. Таму «вагнераўцы» складуць у Беларусі гатовы ўдарны кулак, які захопіць гэты няшчасны калідор у лічаныя гадзіны», — прыводзіць Bild словы Андрэя Картаполава, сказаныя на расійскім тэлебачанні.
Нагадаем, што Сувалкскі калідор — гэта 70-кіламетровы адрэзак тэрыторыі паміж Беларуссю і Калінінградскай вобласцю Расіі, які знаходзіцца на польска-літоўскай мяжы. Яго захоп можа цалкам перакрыць сухапутны доступ да краін Балтыі з боку астатняй Еўропы і саюзнікаў па НАТА.
Як нядаўна стала вядома, першыя атрады вагнераўцаў сапраўды прыехалі ў Беларусь і ўжо засвяціліся ў лукашэнкаўскай прапагандзе.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну27
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары