Найбуйнейшы на планеце айсберг А23а, які «спаў» тры дзесяцігоддзі, пачаў актыўны дрэйф у моры Уэдэла ўздоўж берагоў Антарктыды, паведамілі ў прэс-службе Арктычнага і антарктычнага навукова-даследчага інстытута.
Прэс-служба Арктычнага і антарктычнага навукова-даследчага інстытута заявіла, што магчымы выхад айсберга А23а ў чыстыя воды ў гэтым годзе залежыць ад шматлікіх фактараў, уключаючы ўздзеянне плыняў, выступы падводнага рэльефу і метэаралагічныя ўмовы. Калі гэта адбудзецца, то айсберг пачне хутка раставаць, узровень вады сусветнага акіяна, адпаведна, павялічыцца і ўзнікне пагроза падтапленняў.
Айсберг аддзяліўся ад ледніка ў верасні 1986 года. Доўгі час А23а быў месцам, дзе размяшчалася савецкая сезонная навуковая база «Дружная-1».
Паведамляецца, што плошча айсберга складае амаль 4170 квадратных кіламетраў. Для параўнання: плошча Мінска — каля 349 квадратных кіламетраў. Такім чынам, айсберг большы за Мінск амаль у 12 разоў. Хуткасць яго перамяшчэння — 150 кіламетраў за месяц.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары