«Недапушчэнне пры правядзенні экскурсій суб'ектыўных некарэктных ацэнак». Мінспорту вызначыла патрабаванні да экскурсаводаў і гідаў-перакладчыкаў
Пастановай Міністэрства спорту і турызму ад 4 ліпеня 2023 г. № 33 вызначылі «прафесійныя і этычныя патрабаванні да экскурсаводаў і гідаў-перакладчыкаў». Натуральна, стваральнікі дакумента прыклалі ўсе намаганні, каб максімальна загнаць спецыялістаў у гэтай галіне ў пракрустаў ложак дзяржаўных ідэалагічных пастулатаў.
Дэкларуецца, што «дзейнасць экскурсавода, гіда-перакладчыка павінна ажыццяўляцца на аснове прынцыпаў законнасці, кампетэнтнасці, справядлівасці і добрасумленнасці».
Ад экскурсаводаў і гідаў патрабуюцца ў абавязковым парадку «праява павагі да дзяржаўных сімвалаў Рэспублікі Беларусь, гісторыі развіцця беларускай дзяржаўнасці, культурных і духоўных традыцый Беларусі і захавання яе гісторыка-культурнай спадчыны».
Таксама яны мусяць «фарміраваць уяўленне пра Беларусь як пра краіну, прывабную для турыстаў, экскурсантаў» і «не дапускаць пры правядзенні экскурсій суб'ектыўных некарэктных ацэнак і выказванняў аб Беларусі ды іншых дзяржавах».
Больш за тое, акрамя абмежавання ў выказваннях саміх сябе, экскурсаводы таксама
павінны «прымаць меры па недапушчэнні з боку турыстаў, экскурсантаў або іншых асоб некарэктных, правакацыйных ды іншых негатыўных выказванняў або дзеянняў».
Ад экскурсаводаў патрабуюцца веды не толькі па гісторыі, этнаграфіі, культуры, эканоміцы, прыродна-геаграфічных асаблівасцях, але і па «ўнутранай і вонкавай палітыцы краіны». Як можна здагадацца, самастойных думак адносна гэтай палітыкі дапускаць не плануюць.
Пастанова набудзе моц пасля яе афіцыйнага апублікавання.
Прапагандысты раздалі парады панскаму маёнтку «Сула». Лепш бы яны маўчалі
«Прапагандуюць польскі складнік нашай гісторыі». Лукашысты апалчыліся на парк «Сула»
«Для даносчыкаў чырвоная ануча — калі гід называе Мінск Менскам». Што адбываецца з экскурсаводамі ў Беларусі
«Прасцей тады адразу ехаць туды на аўтазаку»
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі9
Каментары
стаяць калупаюцца у насу?
нинармальныя ци што?
Выдать каждому по мини-укв радиоприемнику с переключением по соответствующим каналам.
Расписать маршруты-
1) домик РСДРП.
2) СОВЕТСКИЙ МИНСК.
3) партизаны и подпольшики.
4)......
666) Выборы первого и последнего
п.с. Вместо экскурсовода сотрудник и помощник-стажёр для выявления тех, кто плохо аплодировал.
Экскурсию засчитывать за активное участие в заводской/организационной еженедельной обязательной пятиминутке.