З відам на праспект і Кастрычніцкую плошчу. У самым цэнтры Мінска прадаецца кватэра з рамонтам
У доме, дзе знаходзіцца «экс-Макдональдс», універсам «Цэнтральны» і ўваход на станцыю метро «Кастрычніцкая», у продажы з'явілася трохпакаёвая сталінка з рамонтам. Нулявы кіламетр бачны проста з акна. Метр каштуе крыху больш за дзве тысячы даляраў, піша Realt.by.
Праспект Незалежнасці, 23 — гэта тая самая пяціпавярховая п-падобная сталінка ў цэнтры Мінска. З боку праспекта знаходзіцца ўніверсам «Цэнтральны», а з вуліцы Энгельса — вялікая шыльда Horizont, вы напэўна бачылі яе. Кватэра, мяркуючы па фатаграфіях у аб'яве, вуглавая, і з акна бачны і праспект, і Кастрычніцкая плошча, і Купалаўскі тэатр.
У трохпакаёвай кватэры — 83 квадраты агульнай плошчы, жылыя — 53. Кухня займае 7 метраў. Кватэра светлая, у кухні з бытавой тэхнікі ёсць халадзільнік і пасудамыйка.
У прасторнай гасцёўні стаіць вялікая канапа, стол з крэсламі (абедзенная група ёсць і ў кухні).
У спальні — двухспальны ложак і шафа. Ёсць і яшчэ адна ізаляваная спальня.
Санвузел у кватэры сумешчаны. Усталявана ванна. Ёсць пральная машына.
Столі ў кватэры — 3,20. Устаноўлены трохкамерныя шклопакеты. У 2020 годзе ў доме быў капрамонт. У кватэры замянілі ўсе камунікацыі, электрыку і радыятары.
Цана кватэры — 179 900 даляраў.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары