У Гомелі асудзілі чыгуначніка, якога затрымалі пры выездзе ў Літву
Гомельскі абласны суд вынес прысуд 28-гадоваму Віктару Залатарэўскаму, якога затрымалі ў лютым пры спробе выехаць у Літву. Яго абвінавацілі ў стварэнні экстрэмісцкага фармавання або ўдзеле ў ім (арт. 362-1 КК) і садзейнічанні экстрэмісцкай дзейнасці (ч. 1 арт. 361-4 КК).
Крымінальную справу разглядаў суддзя Алег Харошка, піша «Вясна».
28-гадовага гамельчука затрымалі 3 сакавіка ў Гродзенскай вобласці, калі ён спрабаваў выехаць з Беларусі ў Літву. Вядома, што мужчына збіраўся ляцець у Грузію ў адпачынак. Пры аглядзе яго мабільнага тэлефона супрацоўнікамі міліцыі былі знойдзены падпіскі на тэлеграм-каналы, прызнаныя ўладамі «экстрэмісцкімі».
У выніку Віктару прызначылі два гады і шэсць месяцаў пазбаўлення волі ва ўмовах агульнага рэжыму.
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?1
Каментары