Такая гісторыя магла адбыцца толькі ў Нямеччыне.
Суботнім днём па аўтабане ехаў аўтамабіль, за стырном якога быў 36-гадовы мужчына, а ў салоне — яго жонка і двое дзяцей. Раптам з-пад капота паваліў дым.
Заўважыўшы пажар, кіроўца неадкладна спыніўся на абочыне і высадзіў сям'ю, аднак чакаць пажарных мужчына не стаў і вырашыў дзейнічаць, піша тэлеграм-канал «Што там у немцаў».
Ён хутка адкрыў багажнік, дзе стаяла скрыня піва, і пачаў заліваць напоем ахопленую агнём машыну.
Каб цалкам патушыць полымя, яму спатрэбілася восем пляшак. Пажарным, якія прыбылі на месца здарэння, заставалася толькі ліквідаваць наступствы ўзгарання.
Як высветлілася пазней, прычынай пажару стаў дэфект рухавіка. На жаль, аўтамабіль рамонту не падлягае, затое своечасовыя дзеянні кемлівага кіроўцы прадухілілі сур'ёзныя пашкоджанні аўтабана.
На жаль, не вядома, якое менавіта піва было выкарыстана для тушэння пажару. Але можна выказаць здагадку, што піва было нямецкае.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары