Takaja historyja mahła adbycca tolki ŭ Niamieččynie.
Subotnim dniom pa aŭtabanie jechaŭ aŭtamabil, za styrnom jakoha byŭ 36-hadovy mužčyna, a ŭ sałonie — jaho žonka i dvoje dziaciej. Raptam z-pad kapota pavaliŭ dym.
Zaŭvažyŭšy pažar, kiroŭca nieadkładna spyniŭsia na abočynie i vysadziŭ siamju, adnak čakać pažarnych mužčyna nie staŭ i vyrašyŭ dziejničać, piša telehram-kanał «Što tam u niemcaŭ».
Jon chutka adkryŭ bahažnik, dzie stajała skrynia piva, i pačaŭ zalivać napojem achoplenuju ahniom mašynu.
Kab całkam patušyć połymia, jamu spatrebiłasia vosiem plašak. Pažarnym, jakija prybyli na miesca zdareńnia, zastavałasia tolki likvidavać nastupstvy ŭzharańnia.
Jak vyśvietliłasia paźniej, pryčynaj pažaru staŭ defiekt ruchavika. Na žal, aŭtamabil ramontu nie padlahaje, zatoje svoječasovyja dziejańni kiemlivaha kiroŭcy praduchilili surjoznyja paškodžańni aŭtabana.
Na žal, nie viadoma, jakoje mienavita piva było vykarystana dla tušeńnia pažaru. Ale možna vykazać zdahadku, što piva było niamieckaje.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary