Пуцін прапанаваў пабудаваць паміж Масквой і Мінскам хуткасную чыгуначную магістраль
Прэзідэнт Расіі Уладзімір Пуцін плануе абмеркаваць з Аляксандрам Лукашэнкам праект будаўніцтва высакахуткаснай чыгуначнай магістралі паміж сталіцамі дзвюх краін, паведаміла ТАСС.
Як сказаў Пуцін, гэтае пытанне ўжо, маўляў, абмяркоўвалася з мэрам Масквы Сяргеем Сабяніным і кіраўнікамі расійскіх банкаў. Папярэдне ў банках ацанілі праект як эканамічна перспектыўны і гатовыя падключыцца да яго рэалізацыі.
«Мінскі кірунак вельмі запатрабаваны быў бы і нашымі грамадзянамі і грамадзянамі Беларусі», — лічыць Пуцін.
Як адзначае выданне Office Life, у Расіі будаўніцтва высакахуткасных магістраляў вядзецца ўжо даўно, і там назапашаны вялікі вопыт рэалізацыі падобных праектаў. Праўда, такія магістралі там не ў поўнай ступені адпавядаюць стандартам Міжнароднага саюза чыгунак.
Што да Беларусі, то ў нас мадэрнізаваных чыгуначных шляхоў для высакахуткаснага руху пакуль няма. Калі хуткасць руху на некаторых маршрутах павышаюць, то гэта за кошт запуску больш сучасных цягнікоў і скарачэння колькасці прыпынкаў на шляху. Дзякуючы гэтаму, напрыклад, час паездкі па маршруце Мінск-Гомель зменшыўся больш чым на гадзіну.
Раней абмяркоўвалася пытанне ўдзелу Беларусі ў праекце будаўніцтва хуткаснай чыгуначнай магістралі паміж Пекінам і Берлінам, якая павінна была прайсці праз Маскву і Мінск. Але ў сувязі з геапалітычнымі авантурамі Крамля гэта пытанне, здаецца, надоўга страціла актуальнасць.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка2
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары