Вольга Карач заявіла, што яе прызналі пагрозай нацыянальнай бяспецы Літвы
Ёй адмовілі ў палітычным прытулку, паведаміла яна.
Пра гэта кіраўніца арганізацыі «Наш дом» Вольга Карач паведаміла расійскаму выданню «Медуза».
З яе слоў, літоўскія ўлады абгрунтавалі пастанову тым, што яна брала інтэрв'ю ў заснавальніка ЛДПР Уладзіміра Жырыноўскага, а таксама ўдзельнічала ў канферэнцыях у Расіі.
Вольга Карач жыве ў Літве апошнія некалькі гадоў. Яна кіруе арганізацыяй «Наш дом», якая спачатку займалася дапамогай мясцовым ініцыятывам у Беларусі, але апошні час дэкларуе антываенную тэматыку і дапамогу дэзерцірам.
Звычайна пасля рашэння аб прызнанні чалавека «пагрозай нацыянальнай бяспецы» ў Літве яму даецца 14 дзён, каб пакінуць краіну.
Вольга Карач да 2020 года была частай госцяй у расійскіх пракрамлёўскіх выданнях, у прыватнасці, на «Лента.ру» і «Газета.ру». Ад восені 2020 года яна атакавала Святлану Ціханоўскую. Мемам сталі словы экс-сілавіка Ігара Макара, што Юрый Зянковіч «паехаў у Маскву пад гарантыі бяспекі ад Вольгі Карач». У Маскве Зянковіча арыштавалі, разам з Аляксандрам Фядутам.
Карач таксама беспаспяхова падавала заявы ў праваахоўныя органы Літвы і камісіі па этыцы на незалежныя СМІ.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары