«Інтэр Маямі» выйграў усе восем матчаў з Месі, забіўшы 25 галоў. Тры з васьмі перамог — па пенальці
«Інтэр Маямі» пакуль яшчэ не прайграваў з Ліянэлем Месі ў складзе.
Каманда з Фларыды правяла восем матчаў з моманту дэбюту аргенцінскага форварда, піша sports.ru.
«Інтэр» дамогся васьмі перамог. У трох з васьмі матчаў «Маямі» браў верх над сваім супернікам толькі ў выніку серыі пенальці.
З Месі ў складзе «Інтэр» абыграў «Крус Асуль» (2:1), «Атланту» (4:0), «Арланда Сіці» (3:1), «Далас» (4:4, па пенальці — 5:3), «Шарлат» (4:0), «Філадэльфію» (4:1), «Нэшвіл» (1:1, па пенальці — 10:9) і «Цынцынаці» (3:3, па пенальці — 5:4).
«Маямі» забіў 25 галоў у чужыя вароты ў гульнявы час матчаў з удзелам 36-гадовага аргенцінца. Клуб заваяваў адзін трафей (Кубак MLS+MX) і выйшаў у фінал Кубка ЗША — турніру, якому ўжо больш за 100 гадоў.
А вось у чэмпіянаце ЗША (МЛС) справы ў клуба дрэнь. Ён займае апошняе месца, адстаючы ад зоны плэй-оф на 14 балаў. Месі дэбютуе ў чэмпіянаце ЗША 27 жніўня. «Інтэр Маямі» сустрэнецца з «Нью-Ёрк Рэд Булз».
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары