Грамадства66

«Тата ніколі не ўхваліў бы такога». Сын Міхаіла Фінберга выказаўся пра помнік, усталяваны на магіле яго бацькі

Адзіны сын Міхаіла Фінберга ў фэйсбуку выказаў сваё меркаванне пра помнік, усталяваны на магіле яго бацькі. Помнік адкрылі 5 верасня 2023 года на Усходніх могілках у Мінску. Скандалам стала тое, што надпіс на помніку, які, відавочна, узгадняў шэраг чыноўнікаў, выявіўся з памылкай.

 Помнік Міхаілу Фінбергу

«5 верасня 2023 года ў Мінску на татавай магіле на Усходніх могілках быў усталяваны двухметровы помнік з бронзы. Я хачу падзякаваць творчаму калектыву, які працаваў над яго стварэннем, і асабліва скульптару Уладзіміру Слабодчыкаву за прадэманстраваны прафесіяналізм», — падзякаваў сын Фінберга Элі Аляксандр, які жыве ў Канадзе.

«Маё стаўленне да помніка дваякае, — удакладніў ён. — Я разумею, што сам тата ніколі не ўхваліў бы такога. З іншага боку, помнік у тым выглядзе, у якім ён створаны, адпавядае некаторым культурным кодам, легітымна дамінуючым у цяперашняй Беларусі«, — дадаў сын Фінберга.

Ён выказаў спадзеў, што «ў працэсе ўвекавечання імя Міхаіла Якаўлевіча Фінберга апошняя кропка яшчэ не пастаўленая».

Пра памылку ў надпісе ён нічога не напісаў.

Надпіс на пастаменце з памылкай у імені. Скрыншот з рэпартажу АНТ

Міхаіл Фінберг, які памёр у снежні 2021 года на 75-м годзе жыцця, шмат гадоў быў кіраўніком Нацыянальнага акадэмічнага аркестра Беларусі. Узначаліў Фінберг гэты аркестр яшчэ ў 1987 годзе, калі ён быў Дзяржаўным аркестрам сімфанічнай і эстраднай музыкі, і не пакідаў кіраўніцтва да самай смерці.

Менавіта Фінберг быў адным з натхняльнікаў і стваральнікаў Нацыянальнага фестывалю беларускай песні і паэзіі ў Маладзечне, які сёлета адзначае сваё 30-годдзе. Таму невыпадкова, што менавіта там паставілі яму і памятную шыльду. 

Паспрыяла гэтаму і тое, што Міхаіл Фінберг цягам усяго свайго жыцця быў цалкам лаяльны да ўлады. Пры Лукашэнку ён быў сябрам Савета Рэспублікі Нацыянальнага сходу на працягу двух скліканняў, уваходзіў у раду культуры пры Савеце Міністраў.

А ў 2020-м годзе дырыжор рэзка выказваўся наконт масавых пратэстаў. Ён лічыў, што на вулічныя акцыі ходзяць бандыты. 

Каментары6

  • Дзядзька ў Вільні
    10.09.2023
    "Не ўхываліў бы"... Фінберг 18 год кіраваў цыркавым аркестрам - і па натуры ён цыркачом і застаўся, звыклым к танным эффектам. Для цыркача - адпаведны помнік. І надпіс добры атрымаўся - з памылкай. Цырк, ды'й годзе.
  • Analtol Sovkou
    10.09.2023
    Твой папа знатный был лизун, Совка, постСовка, за Лу, за Пу... За Лу Пу!
  • Правдорез
    10.09.2023
    [Рэд. выдалена]

Цяпер чытаюць

Кіраўнік Ліды заклікаў сілавікоў не спыняць палітычныя рэпрэсіі11

Кіраўнік Ліды заклікаў сілавікоў не спыняць палітычныя рэпрэсіі

Усе навіны →
Усе навіны

«Такога яшчэ не было». Адбылася масіраваная атака на Крывы Рог, Вінніцу, Харкаў3

«Вада з другога паверха топіць першы і трапляе ў ліфты». Адзін з дамоў у «Мінск-Свеце» зноў паплыў3

Аўтобус і мікрааўтобус сутыкнуліся ў Бярозаўскім раёне: 15 чалавек пацярпелі

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог8

Трамп заявіў, што ракеты для Patriot ужо адпраўлены ва Украіну1

У Брэсце перад 3 ліпеня былі масавыя «прэвентыўныя» затрыманні

«Віза не прызначаная для турызму». Беларуса дэпартавалі з Польшчы за «нямэтавую» паездку ў Чэхію8

У Беларусь праездам з Еўропы зазірнуў прэзідэнт Інданезіі1

Сямігадовы хлопчык назбіраў амаль 2 тысячы рублёў за год. На што пойдуць грошы?2

больш чытаных навін
больш лайканых навін

Кіраўнік Ліды заклікаў сілавікоў не спыняць палітычныя рэпрэсіі11

Кіраўнік Ліды заклікаў сілавікоў не спыняць палітычныя рэпрэсіі

Галоўнае
Усе навіны →

Заўвага:

 

 

 

 

Закрыць Паведаміць