Кіраўніка Нацыянальнага акадэмічнага аркестра Беларусі, народнага артыста Міхаіла Фінберга сёння не стала. Пра гэта калектыву паведамілі ў 6 гадзін раніцы. Тэлеканал АНТ паведамляе, што апошнія дні Міхаіл Фінберг быў у шпіталі.
Фінберг нарадзіўся 21 лютага 1947 года ў Мазыры. Там жа жыў і вучыўся. Калі прыйшла пара выбіраць прафесію, вырашыў, што будзе музыкантам. Але ён пяць разоў не паступіў у музычнае вучылішча, таму вырашыў паспрабаваць граць у вайсковым аркестры ў Курску. Дзякуючы гэтаму, праз пару год ён стаў студэнтам Мінскага музычнага вучылішча, а ўжо пасля — кансерваторыі.
Потым Фінберг працаваў у аркестры мінскага цырка. Там пісаў музыку і ствараў аранжыроўкі. З 1987 года быў мастацкім кірўніком і галоўным дырыжорам Дзяржаўнага аркестра сімфанічнай і эстраднай музыкі. У 2005-м аркестр стаў нацыянальным, а ў 2010-м — акадэмічным.
Таксама Міхаіл Фінберг быў членам Савета Рэспублікі Нацыянальнага сходу на працягу двух скліканняў, уваходзіў у савет па культуры пра Савеце міністраў.
У 2020-м годзе Фінберг досыць рэзка выказваўся наконт масавых пратэстаў. Ён лічыў, што на вулічныя акцыі ходзяць бандыты.
Фінберг: На вулічныя акцыі выходзяць бандыты. А сцяг у мяне адзін — чырвоны
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары