«Tata nikoli nie ŭchvaliŭ by takoha». Syn Michaiła Finbierha vykazaŭsia pra pomnik, ustalavany na mahile jaho baćki
Adziny syn Michaiła Finbierha ŭ fejsbuku vykazaŭ svajo mierkavańnie pra pomnik, ustalavany na mahile jaho baćki. Pomnik adkryli 5 vieraśnia 2023 hoda na Uschodnich mohiłkach u Minsku. Skandałam stała toje, što nadpis na pomniku, jaki, vidavočna, uzhadniaŭ šerah čynoŭnikaŭ, vyjaviŭsia z pamyłkaj.
«5 vieraśnia 2023 hoda ŭ Minsku na tatavaj mahile na Uschodnich mohiłkach byŭ ustalavany dvuchmietrovy pomnik z bronzy. Ja chaču padziakavać tvorčamu kalektyvu, jaki pracavaŭ nad jaho stvareńniem, i asabliva skulptaru Uładzimiru Słabodčykavu za prademanstravany prafiesijanalizm», — padziakavaŭ syn Finbierha Eli Alaksandr, jaki žyvie ŭ Kanadzie.
«Majo staŭleńnie da pomnika dvajakaje, — udakładniŭ jon. — Ja razumieju, što sam tata nikoli nie ŭchvaliŭ by takoha. Ź inšaha boku, pomnik u tym vyhladzie, u jakim jon stvorany, adpaviadaje niekatorym kulturnym kodam, lehitymna daminujučym u ciapierašniaj Biełarusi«, — dadaŭ syn Finbierha.
Jon vykazaŭ spadzieŭ, što «ŭ pracesie ŭviekaviečańnia imia Michaiła Jakaŭleviča Finbierha apošniaja kropka jašče nie pastaŭlenaja».
Pra pamyłku ŭ nadpisie jon ničoha nie napisaŭ.
Michaił Finbierh, jaki pamior u śniežni 2021 hoda na 75-m hodzie žyćcia, šmat hadoŭ byŭ kiraŭnikom Nacyjanalnaha akademičnaha arkiestra Biełarusi. Uznačaliŭ Finbierh hety arkiestr jašče ŭ 1987 hodzie, kali jon byŭ Dziaržaŭnym arkiestram simfaničnaj i estradnaj muzyki, i nie pakidaŭ kiraŭnictva da samaj śmierci.
Mienavita Finbierh byŭ adnym z natchnialnikaŭ i stvaralnikaŭ Nacyjanalnaha fiestyvalu biełaruskaj pieśni i paezii ŭ Maładziečnie, jaki sioleta adznačaje svajo 30-hodździe. Tamu nievypadkova, što mienavita tam pastavili jamu i pamiatnuju šyldu.
Paspryjała hetamu i toje, što Michaił Finbierh ciaham usiaho svajho žyćcia byŭ całkam łajalny da ŭłady. Pry Łukašenku jon byŭ siabram Savieta Respubliki Nacyjanalnaha schodu na praciahu dvuch sklikańniaŭ, uvachodziŭ u radu kultury pry Saviecie Ministraŭ.
A ŭ 2020-m hodzie dyryžor rezka vykazvaŭsia nakont masavych pratestaŭ. Jon ličyŭ, što na vuličnyja akcyi chodziać bandyty.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary