Малдова дэпартавала прадстаўніка мясцовага «Спутніка» і забараніла ўезд на 10 гадоў
Віталь Дзянісаў быў абвешчаны непажаданай асобай у Рэспубліцы Малдова.
Грамадзянін Расіі Віталь Дзянісаў выконваў абавязкі менеджара (адміністратара) агенцтва навін «Спутнік Малдова» з сакавіка 2023 года, піша noi.md.
Раней Дзянісаў працаваў у «Спутніку» Паўднёвай Асеціі і ўзначальваў «Спутнік» Азербайджана.
Паводле некаторых звестак, сёння раніцай супрацоўнікі міграцыйнай службы Малдовы прыйшлі да дома журналіста, пасадзілі яго ў машыну і адвезлі ў аэрапорт з пастановай аб дэпартацыі.
Прадстаўнік МЗС Расіі Марыя Захарава пракаментавала такі крок Кішынёва наступным чынам:
«Гэта чарговае звяно ў ланцужку неадэкватнага стаўлення цяперашніх малдаўскіх уладаў да паняцця «дэмакратыя» — яны проста, мабыць, не разумеюць, што гэта такое. Яны не разумеюць, што такое свабода слова, што такое правы і свабоды журналістаў».
Каментары