Чатыры футбольныя зборныя адмовіліся гуляць з расійскімі моладзевымі камандамі
Ідэю байкоту прапанавала Украінская асацыяцыя футбола.
Зборныя Латвіі і Польшчы падтрымалі байкот — разам з Англіяй і Украінай яны адмовіліся гуляць з расійскімі моладзевымі камандамі, піша «Настоящее время».
«Латвійская федэрацыя футбола пацвярджае, што зборныя Латвіі па футболе ўсіх узроўняў не будуць гуляць супраць расійскіх каманд, незалежна ад месца правядзення такіх гульняў або формы прадстаўлення расійскіх спартсменаў. Гэта супярэчыць цвёрдай пазіцыі ЛФФ адносна вайны, распачатай Расіяй ва Украіне, і гэтая пазіцыя застанецца ў сіле да заканчэння баявых дзеянняў», — гаворыцца ў паведамленні на сайце федэрацыі.
Прэзідэнт Польскага футбольнага саюза Цэзары Кулеша таксама не пагадзіўся з рашэннем выканкама УЕФА. «Калі зборныя Расіі будуць дапушчаныя да ўдзелу ў спаборніцтвах, нашы зборныя не будуць з імі спаборнічаць. Гэта адзінае правільнае рашэнне», — напісаў Кулеша ў сваім твітары.
Учора Федэрацыя футбола Англіі паведаміла, што англійскія каманды не будуць сустракацца з расійскімі.
«Мы не падтрымліваем пазіцыі па допуску Расіі да спаборніцтваў УЕФА, і наша пазіцыя застаецца нязменнай: зборныя Англіі не будуць гуляць супраць каманд з Расіі», — паведаміў Times прадстаўнік арганізацыі.
Ідэю байкоту іншым федэрацыям прапанавала Украінская асацыяцыя футбола.
«УАФ рашуча асуджае рашэнне УЕФА аб вяртанні зборных Расіі да 17 гадоў на міжнародныя спаборніцтвы. УАФ настойвае на захаванні папярэдніх рашэнняў УЕФА і ФІФА адносна недапушчэння ўсіх расійскіх каманд да ўдзелу ў міжнародных спаборніцтвах пад эгідай гэтых арганізацый і звяртаецца да іншых асацыяцыям-сябрам УЕФА з просьбай байкатаваць магчымыя матчы з удзелам каманд з Расіі пры ўмове іх допуску».
Учора, 26 верасня выканкам УЕФА вынес рашэнне аб допуску юніёрскіх зборных Расіі да міжнародных спаборніцтваў у гэтым сезоне.
Матчы павінны праводзіцца без сцяга, гімна, у іншым, не нацыянальным дызайне гульнявой формы і не на тэрыторыі Расіі. Забарона на выступ усіх астатніх расійскіх каманд засталася ў сіле.
«УЕФА ўсведамляе, што дзяцей нельга караць за дзеянні, адказнасць за якія ляжыць выключна на дарослых, і цвёрда пераканана, што футбол ніколі не павінен пераставаць пасылаць пасланні міру і надзеі. Асабліва сумна тое, што праз канфлікт пакаленне непаўналетніх пазбаўленае права спаборнічаць у міжнародным футболе», — гаварылася ў паведамленні на сайце арганізацыі.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары