У прыгарадзе Мінска прадаецца незвычайны катэдж з уласным хваёвым лесам
Гэты катэдж у Калодзішчах цікавы сваім незвычайным вонкавым выглядам. Выкананы ён у футурыстычным стылі, са спалучэннем крэатыўных архітэктурных рашэнняў і сучасных матэрыялаў. Яшчэ адна дэталь — з катэджа ёсць выхад проста да хваёвага лесу. Realt паказвае, як ён выглядае і колькі каштуе.
Будаўніцтва гэтага энергаэфектыўнага дома завяршылася сёлета. Ён быў узведзены па індывідуальным архітэктурным дызайн-праекце. Агульная плошча аб'екта складае 308,6 квадратаў.
Усяго ў катэджы шэсць пакояў. Ён двухузроўневы. На першым паверсе — жылы пакой з кухонным абсталяваннем, кабінет, гардэробная, санвузел і тэраса. Тут жа ёсць уласная палільня з надвор'езалежнай аўтаматыкай. У ёй устаноўлены газавы кацёл з бойлерам і радыятары.
На другім узроўні — пяць спальняў, гардэробная, санвузел і тэраса.
Вышыня столяў — 3,91 метра. Сцены зроблены з саракасантыметровых керамзітабетонных блокаў, уцепленых мінеральнай ватай і абліцаваных дэкаратыўнай тынкоўкай і клінкерам. Ва ўсім доме — сістэма цёплай падлогі.
У катэджы стаяць панарамныя энергазберагальныя шклопакеты з ламінацыяй. Таксама зроблена падсветка фасада.
У катэджы праведзены ўсе неабходныя камунікацыі: ёсць электрычнасць, ацяпленне — газавае, вадаправод — цэнтральны, каналізацыя — мясцовая. Праведзены інтэрнэт, устаноўлены сістэма «разумны дом», відэаназіранне і відэадамафон з аддаленым доступам праз смартфон.
Прысядзібны ўчастак плошчай 25 сотак пакрыты газонам і тратуарнай пліткай. На ім устаноўлена дэкаратыўнае асвятленне.
Аб'ект размешчаны на першай берагавой лініі «Ляснога возера», побач — хваёвы лес і Глебкаўскі біясферны заказнік.
За катэдж просяць 750 000 долараў. У аб'яве пазначана, што магчымы торг.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА21
Каментары