Агулам вядома пра 15 затрыманых падчас апошняй аблавы ў горадзе, але, імаверна, іх болей.
Затрыманні ў Ваўкавыску адбываліся цягам цэлага тыдня, з 25 верасня да 1 кастрычніка. Сілавікі апублікавалі тры відэа з арыштаванымі жыхарамі.
У апошнім з іх, якое апублікавалі сёння, паказалі шэсць чалавек. Вядомыя імёны дваіх затрыманых — гэта 37-гадовы Віктар Кручкоўскі і 44-гадовы Валерый Грыгорчык.
Дваіх з затрыманых, сярод якіх Віктар, вінавацяць у тым, што ў 2020-м яны выходзілі на пратэсты і «распаўсюдзілі экстрэмісцкія матэрыялы». Астатніх мужчын вінавацяць толькі ў «распаўсюдзе экстрэмізму».
Праваабаронцы звязваюць актыўнасць сілавікоў у Ваўкавыску з інцыдэнтам, які адбыўся днямі ў горадзе. Па інфармацыі «Вясны», на адным з выклікаў (бытавая сітуацыя, не звязаная з палітычным пераследам) быў збіты супрацоўнік міліцыі. Пасля гэтага ў горад адправілі сілавікоў з Мінска і Гродна, якія і пачалі «зачыстку».
Імаверна, лік затрыманых ідзе на дзясяткі — паказалі толькі пятнаццаць затрыманых, але ёсць падставы меркаваць, што іх болей. Звычайна ГУБАЗіК паказвае толькі частку людзей. Мінулую партыю затрыманых паказвалі 28 верасня.
«Наша Нiва» — бастыён беларушчыны
ПАДТРЫМАЦЬЦяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары