Яўген Булка з жонкай змаглі вярнуцца дадому ў Ізраіль да свайго двухгадовага сына
Шоўмен Яўген Булка, які жыве ў Ізраілі, некалькі дзён не мог з жонкаю вылецець з Варшавы дадому, дзе застаўся іх двухгадовы сын. І вось Яўген паведаміў у інстаграме, што ён нарэшце дома.
Яўген Булка прыляцеў у Варшаву з жонкай 6 кастрычніка на здымкі шоу. Ужо на наступны дзень ХАМАС напаў на Ізраіль. Булка вырашыў ляцець дадому, дзе з няняю застаўся іх сын. Але гэта было не так проста: многія авіякампаніі адмянялі рэйсы ў Ізраіль.
На дапамогу Яўгену прыйшлі іншыя людзі.
Учора ён паведаміў у інстаграме, што выйсце знайшлося «дзякуючы цэламу ланцужку выдатных людзей з вялізнымі сэрцамі».
Паводле Яўгена, з вакзала Варшавы яны з жонкай адправяцца ў Познань, адтуль іх на машыне падвязуць у Берлін, адкуль яны і вылецяць. І вось сёння шоўмен напісаў, што дабраўся дадому.
«Мы дома. Мы разам. Прабачце, эмоцыі захлістваюць усіх. Таму пакуль без фота і відэа», — напісаў ён.
«Усім бязмежная падзяка за падтрымку, за дапамогу, за турботы і пажаданні. Мы любім вас. Так шмат дабра ў вас, родныя людзі. Мы з вамі абавязкова збяромся разам», — напісаў у сторыс Яўген Булка.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары