Народная амбасада ў Ізраілі набыла білет на самалёт для блогеркі Аляксандры Ханевіч. Яна будзе першаю беларускаю, якую эвакуююць з дапамогаю актывістаў. Грошы на білет сабрала беларуская дыяспара ў ЗША.
9 кастрычніка Народная амбасада ў Ізраілі пачала збор інфармацыі ад беларусаў, якім трэба дапамога ў выездзе з краіны. Праблема ўзнікла праз касаванне рэйсаў шмат якімі авіякампаніямі пасля нападу баевікоў ХАМАС.
Раней адзін з каардынатараў Народных амбасадаў Міхаіл Рубін паведаміў «Белсату», што па дапамогу звярнуліся больш за 10 беларускіх сем’яў.
Сёння стала вядома, што першай эвакуююць блогерку Аляксандру Ханевіч. Яна неспадзявана трапіла на вайну, прыляцеўшы ў Ізраіль з паломніцкаю паездкаю.
Ханевіч паходзіць з Гродна, яна вымушана з’ехала з Беларусі, каб пазбегнуць палітычнага пераследу, і апошнія некалькі гадоў жыве ў Беластоку.
«Яна паляціць у Варшаву праз Кіпр і Вену. У Вене працяглая стыкоўка, там беларусы яе сустрэнуць і аблегчаць доўгае чаканне. Білет на камерцыйны эвакуацыйны рэйс знайшлі дзякуючы Асацыяцыі беларусаў Амерыкі і пры падтрыманні фонду «I Need Help BY», — сказаў Рубін «Белсату».
Ён запэўніў, што Народныя амбасады працягваюць шукаць варыянты выезду для ўсіх беларусаў, якія папрасілі аб дапамозе.
Вырашэннем гэтай праблемы займаецца таксама Народнае антыкрызіснае ўпраўленне. Кіраўнік НАУ Павел Латушка раней паведаміў «Белсату», што перадаў у МЗС Польшчы просьбы беларусаў аб спрыянні. У міністэрстве адказалі, што дапамогуць, калі з’явіцца магчымасць.
«ХАМАСу будзе канец». Беларуская пенсіянерка, што здымалася ў Дудзя, цяпер дапамагае ізраільскай арміі
Каля 100 сем'яў атрымалі паведамленні, што іх блізкія ўтрымліваюцца ў якасці закладнікаў тэрарыстамі ў Газе
«Цяжка паверыць, што нават ХАМАС мог здзейсніць такі варварскі акт». ЦАХАЛ пацвердзіў, што баевікі забівалі і абезгалоўлівалі дзяцей
Цяпер чытаюць
Лукашэнка расказаў пра забойства апазіцыянера, якое нібыта адбылося тры дні таму18
Каментары