Загінулага беларускага ваяра пахаваюць у Івана-Франкоўскай вобласці
Раней стала вядома, што ў ноч з 6 на 7 кастрычніка загінулі два беларускія добраахвотнікі — снарад разарваўся каля машыны, у якой яны ехалі.
Ілюстрацыйны здымак. Фота: прэс-служба палка Каліноўскага
Аднаго з беларускіх добраахвотнікаў пахаваюць у горадзе Каламыя Івана-Франкоўскай вобласці.
«7 кастрычніка гераічна загінуў вайсковец з пазыўным «Бахус». Ён — беларускі ваяр, які мужна бараніў волю і незалежнасць Украіны, служыў у палку імя Кастуся Каліноўскага.
Для нас гібель кожнага абаронцы Украіны — вялікі боль. Таму ад імя Каламыйскай абшчыны выказваю спачуванні родным і блізкім з нагоды гэтай цяжкай страты», — напісаў мэр горада Багдан Станіслаўскі.
Пахаваюць ваяра заўтра, 21 кастрычніка, на Алеі Славы ў Каламыі.
21 кастрычніка таксама абвешчана Днём жалобы ў Каламыйскай грамадзе.
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары