Татарскі дэпутат паспрабаваў пакрытыкаваць Кадырава. Але доўга не пратрымаўся
Дэпутат Дзяржсавета Татарстана ад «Адзінай Расіі» Азат Хамаеў падчас пасяджэння гэтага органа 19 кастрычніка паспрабаваў звярнуць увагу на бясчынствы, якія робяцца ў яшчэ адной мусульманскай рэспубліцы — Чачні. Яго абурыла, што сын Рамзана Кадырава Адам беспакарана збіў арыштанта, а пасля атрымаў званне Героя Чачні.
«У якім прававым полі мы жывем? Кіраўнік суб'екта Расійскай Федэрацыі за збіццё чалавека прысвойвае званне героя свайму сыну. Далей, развіваючы сваю ідэю, кажа, што ён — герой усіх мусульман. Хто можа адказаць?» — спытаў Хамаеў.
Ніхто з іншых дэпутатаў нічога адказаць не асмеліўся, а сам Хамаеў таксама змяніў тэму. Але далей гісторыя набыла працяг.
У той жа вечар кіраўнік Татарстана Рустам Мініханаў назваў выказванне дэпутата ягоным асабістым меркаваннем, якое «не мае ніякага дачынення да пазіцыі мусульман рэспублікі», а
неўзабаве СМІ распаўсюдзілі заяву Хамаева, у якой ён папрасіў прабачэння за сваё «эмацыйнае выказванне, якое можа нашкодзіць узаемаадносінам паміж брацкімі народамі».
20 кастрычніка відэа выступу Хамаева было выдалена з афіцыйных акаўнтаў Дзяржсавета Татарстана ва «ВКонтакте», Rutube і «Аднакласніках».
«Ты будзеш мне міла ўсміхацца». Сын Кадырава, які моцна збіў чалавека ў СІЗА, адказаў на крытыку ў свой адрас
Кадыраў прыгразіў Сабчак, каб «не чапала» яго сям'ю, і патлумачыў выхадку свайго сына ў СІЗА
«Пабіў і правільна зрабіў». Рамзан Кадыраў апублікаваў ролік, у якім ягоны сын жорстка збівае чалавека
Цяпер чытаюць
Бліжэйшым часам будуць вызвалены больш за 150 палітзняволеных26
Каментары