Tatarski deputat pasprabavaŭ pakrytykavać Kadyrava. Ale doŭha nie pratrymaŭsia
Deputat Dziaržsavieta Tatarstana ad «Adzinaj Rasii» Azat Chamajeŭ padčas pasiadžeńnia hetaha orhana 19 kastryčnika pasprabavaŭ źviarnuć uvahu na biasčynstvy, jakija robiacca ŭ jašče adnoj musulmanskaj respublicy — Čačni. Jaho aburyła, što syn Ramzana Kadyrava Adam biespakarana źbiŭ aryštanta, a paśla atrymaŭ zvańnie Hieroja Čačni.
«U jakim pravavym poli my žyviem? Kiraŭnik subjekta Rasijskaj Fiederacyi za źbićcio čałavieka prysvojvaje zvańnie hieroja svajmu synu. Dalej, raźvivajučy svaju ideju, kaža, što jon — hieroj usich musulman. Chto moža adkazać?» — spytaŭ Chamajeŭ.
Nichto ź inšych deputataŭ ničoha adkazać nie aśmieliŭsia, a sam Chamajeŭ taksama źmianiŭ temu. Ale dalej historyja nabyła praciah.
U toj ža viečar kiraŭnik Tatarstana Rustam Minichanaŭ nazvaŭ vykazvańnie deputata jahonym asabistym mierkavańniem, jakoje «nie maje nijakaha dačynieńnia da pazicyi musulman respubliki», a
nieŭzabavie ŚMI raspaŭsiudzili zajavu Chamajeva, u jakoj jon paprasiŭ prabačeńnia za svajo «emacyjnaje vykazvańnie, jakoje moža naškodzić uzajemaadnosinam pamiž brackimi narodami».
20 kastryčnika videa vystupu Chamajeva było vydalena z aficyjnych akaŭntaŭ Dziaržsavieta Tatarstana va «VKontaktie», Rutube i «Adnakłaśnikach».
«Ty budzieš mnie miła ŭśmichacca». Syn Kadyrava, jaki mocna źbiŭ čałavieka ŭ SIZA, adkazaŭ na krytyku ŭ svoj adras
Kadyraŭ pryhraziŭ Sabčak, kab «nie čapała» jaho siamju, i patłumačyŭ vychadku svajho syna ŭ SIZA
«Pabiŭ i pravilna zrabiŭ». Ramzan Kadyraŭ apublikavaŭ rolik, u jakim jahony syn žorstka źbivaje čałavieka
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary