Сахашчык расказаў, ці спрабавалі яго атруціць і якія дакументы скралі з яго машыны ў Чэхіі
«Міністр абароны» ў Аб’яднаным пераходным кабінеце Валер Сахашчык даў вялікае інтэрв’ю праекту «Ток». Сярод іншага ён расказаў, ці сапраўды ён пабываў у берлінскай клініцы «Шарытэ» і што скралі з яго машыны ў Чэхіі.
У верасні мінулага года стала вядома, што Сахашчык двойчы за кароткі час пабываў у бальніцы, а аднойчы самлеў за стырном. Па сімптомах некаторыя меркавалі, што гэта магло быць атручэнне. Правяраць гэту версію планавалі ў «Шарытэ», як тады расказвалі «Нашай Ніве».
«Я не быў у клініцы «Шарытэ», я быў у іншай клініцы — у Вене. Так, у мяне была выяўлена сур’ёзная праблема са здароўем, але ніякіх падстаў казаць, што мяне атруцілі, няма», — пракаментаваў Сахашчык.
У маі падчас працоўнага візіту ў Чэхію ў палітыка ўзламалі машыну і выкралі з яе «дзве торбы з асабістымі дакументамі», як ён сам паведамляў.
Сахашчык патлумачыў, што тады знікла.
«У мяне дакументаў не скралі. Скралі дакументы іншых людзей, рэчы якіх былі ў машыне. Гэтыя дакументы не адносіліся да нашай дзейнасці ў складзе Аб’яднанага пераходнага кабінета і наогул да беларускага дэмакратычнага руху. Гэта быў асабісты пашпарт аднаго чалавека, правы аднаго чалавека, нейкі нататнік асабісты, таму ніякай пагрозы нічому не магло быць і наступстваў ніякіх не было», — патлумачыў ён.
З рэчаў самога Сахашчыка скралі дарагі яму станок для галення, які падарыў сябар больш за 20 гадоў таму, пену для галення, зубную шчотку.
«У мяне няма падстаў лічыць, што гэта зрабілі кадэбэшнікі, хоць ускрыццё машыны зрабілі вельмі прафесійна і хутка, і можна меркаваць, што гэта рабіў чалавек высокай кваліфікацыі. Але быў гэта нейкі проста звычайны пражскі злодзей ці людзі, якія працавалі ў інтарэсах беларускага КДБ, я пра гэта казаць не магу».
Глядзіце інтэрв’ю цалкам:
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары
Вольфович. В разговоре с Вольфовичем Карпенков доложил о работе новых
подразделений спецназа, а также упомянул, что для них не было
предусмотрено финансирование на 2023−2024 годы, и попросил выделить его: