15-гадоваму сыну Кадырава ўручылі ордэн ад Карачаева-Чаркесіі. Учора ён атрымаў прэстыжную ўзнагароду Татарстана
Кіраўнік Карачаева-Чаркесіі ўзнагародзіў Адама Кадырава ордэнам, як паведамляецца, за заслугі перад Рэспублікай. Учора сын кіраўніка Чачні, які збіў арыштаванага ў СІЗА, атрымаў другую па значнасці ўзнагароду Татарстана.
Паведамленне аб рашэнні ўзнагародзіць Адама Кадырава ордэнам «За заслугі перад Карачаева-Чаркескай Рэспублікай зʼявілася ў тэлеграм-канале кіраўніка рэгіёна Рашыда Тэмрэзава.
Тэмрэзаў тлумачыць, што прысудзіў узнагароду сыну Кадырава «за яго асабісты ўклад у развіццё міжнацыянальнага і міжрэгіянальнага адзінства» і «ўмацаванне ісламскіх каштоўнасцяў».
Ён назваў Адама Кадырава «сапраўдным патрыётам сваёй малой радзімы».
Учора кіраўнік Татарстана Рустам Мініханаў уручыў 15-гадоваму сыну кіраўніка Чачні Адаму Кадыраву ордэн «Дуслык» — другую па значнасці ўзнагароду ў рэспубліцы.
Перад гэтым Адам Кадыраў стаў Героем Чачні.
Адам Кадыраў стаў шырока вядомы пасля таго, як збіў у СІЗА зняволенага Мікіту Жураўля, арыштаванага за спаленне Карана. Па расійскіх законах, гэта зʼяўляецца крымінальным злачынствам. Прадстаўнік Крамля Дзмітрый Пяскоў адмовіўся даваць каментары на гэты конт.
Цяпер чытаюць
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!69
Каментары