15-hadovamu synu Kadyrava ŭručyli orden ad Karačajeva-Čarkiesii. Učora jon atrymaŭ prestyžnuju ŭznaharodu Tatarstana
Kiraŭnik Karačajeva-Čarkiesii ŭznaharodziŭ Adama Kadyrava ordenam, jak paviedamlajecca, za zasłuhi pierad Respublikaj. Učora syn kiraŭnika Čačni, jaki źbiŭ aryštavanaha ŭ SIZA, atrymaŭ druhuju pa značnaści ŭznaharodu Tatarstana.
Paviedamleńnie ab rašeńni ŭznaharodzić Adama Kadyrava ordenam «Za zasłuhi pierad Karačajeva-Čarkieskaj Respublikaj zjaviłasia ŭ telehram-kanale kiraŭnika rehijona Rašyda Temrezava.
Temrezaŭ tłumačyć, što prysudziŭ uznaharodu synu Kadyrava «za jaho asabisty ŭkład u raźvićcio mižnacyjanalnaha i mižrehijanalnaha adzinstva» i «ŭmacavańnie isłamskich kaštoŭnaściaŭ».
Jon nazvaŭ Adama Kadyrava «sapraŭdnym patryjotam svajoj małoj radzimy».
Učora kiraŭnik Tatarstana Rustam Minichanaŭ uručyŭ 15-hadovamu synu kiraŭnika Čačni Adamu Kadyravu orden «Dusłyk» — druhuju pa značnaści ŭznaharodu ŭ respublicy.
Pierad hetym Adam Kadyraŭ staŭ Hierojem Čačni.
Adam Kadyraŭ staŭ šyroka viadomy paśla taho, jak źbiŭ u SIZA źniavolenaha Mikitu Žuraŭla, aryštavanaha za spaleńnie Karana. Pa rasijskich zakonach, heta zjaŭlajecca kryminalnym złačynstvam. Pradstaŭnik Kramla Dźmitryj Piaskoŭ admoviŭsia davać kamientary na hety kont.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv18
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3333
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie33
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary