Nike падала ў суд на New Balance за крадзеж тэхналогіі вытворчасці красовак
Nike падала ў суд на New Balance і Skechers за выкарыстанне запатэнтаванай тэхналогіі Nike Flyknit пры вытворчасці верхніх частак красовак. Раней аналагічныя пазовы кампанія прадʼявіла Adidas, Puma і Lululemon, піша РБК.
У пазове гаворыцца, што канкурэнты выкарыстоўвалі пры вытворчасці спартовых красовак тэхналогію Nike Flyknit, «якая дазваляе Nike ствараць абутак з выдатнымі эксплуатацыйнымі характарыстыкамі, дызайнам і эстэтыкай, і ўсё гэта пры скарачэнні колькасці матэрыялаў і адходаў».
Як удакладнілі ў Nike, запатэнтаваная тэхналогія выкарыстоўвалася пры вытворчасці красовак Skechers Arch Fit, Glide Step і Ultra Flex 3, а таксама New Balance Fresh Foam і FuelCell. У кампаніі дадалі, што гэта не першы яе пазоў да Skechers з-за парушэння патэнтных правоў.
Паводле звестак Reuters, раней Nike таксама падала ў суд на Adidas, Puma і Lululemon за парушэнне патэнтных правоў на тэхналогію Flyknit.
У адказ Adidas падала сустрэчны пазоў, сцвярджаючы, што тэхналогія падбору абутку Nike Adapt, праграмы для трэніровак Run Club і Training Club, а таксама дадатак SNKRS для продажу абутку абмежаваным накладам парушаюць яе патэнты. У выніку Adidas і Puma атрымалася ўрэгуляваць свае пазовы, а па справе Nike супраць Lululemon рашэнне пакуль не вынесена.
Цяпер чытаюць
Дзе працуюць і як выглядаюць жонкі топ-чыноўнікаў?15
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары