Каманда Расіі феерычна размалола зборную, якая буцы купіла перад гульнёй ва ўнівермагу
Футбольная зборная ўсходніх суседзяў пасля поўнамаштабнага ўварвання Расіі ва Украіну адхілена ад еўрапейскіх турніраў, таму гуляла паўтара года таварыскія матчы з зусім нятопавымі зборнымі з Афрыкі і Азіі. Учора дайшла чарга Кубы, якую ў Валгаградзе разграмілі з лікам 8:0.
На Кубе самыя папулярныя віды спорту гэта бейсбол і валейбол. А футбол зусім не карыстаецца папулярнасцю. Зборная Кубы займае 169-ы радок у рэйтынгу ФІФА. Беларусь — 100-я, і гэта вельмі слабы вынік. Усяго ў рэйтынгу ФІФА — 207 зборных, уключна з лядашчымі Сан-Марына і Амерыканскімі Вірджынскімі выспамі.
Кубінская дружына рэгулярна ўдзельнічае ў Залатым кубку КАНКАКАФ (турнір для каманд Паўночнай і Цэнтральнай Амерыкі), а ў чэмпіянатах свету ўдзельнічала толькі аднойчы, у 1938 годзе. Той чэмпіянат меўся прайсці ў Аргенціне, але ФІФА аддала яго Францыі і большасць зборных з амерыканскага кантынента байкатавала яго. У Еўропу паплылі толькі Куба і Бразілія. Тады турнір праводзіўся па сістэме плэй-оф, каманды стартавалі адразу з 1/8 фіналу. Куба прайшла Румынію, але ў чвэрцьфінале атрымала 0:8 ад Швецыі.
У Расіі кубінцам прыйшлося пераабувацца ў прамым сэнсе, піша sports.ru.
Гульцам Кубы проста ў Валгаградзе купілі новыя буцы, пра гэта распавёў генеральны сакратар кубінскай асацыяцыі футбола Мігель Анхель Дыяс.
«Паўстала пытанне патрэбных буцаў. У нас сінтэтычныя палі, як правіла, газон не такі вільготны, і таму выкарыстоўваем буцы з кароткімі шыпамі. Калі прыляцелі ў Расію, зразумелі, што нам патрэбны іншы абутак, каб згуляць матч.
Якасць было не гэтак важна, колькі характарыстыка абутку, каб была магчымасць нармальна згуляць у футбол на такім газоне», — расказаў чыноўнік.
Крыху пазней каментатар Дзмітрый Шнякін падзяліўся падрабязнасцямі: у мясцовага вытворцы буцаў замовілі 10 пар, але ў выніку не дамовіліся. У Валгаградзе кубінцы проста закупіліся ў «Спортмайстры»! Так-так, зборная Кубы прыехала ў ГЦ і ўзяла 11 пар.
«Яны ўзялі пару Demix, Exponenta Enrblast 46 памеру, некалькі пар Puma для натуральнага газона, у нас былі Ultra Match, і некалькі пар Adidas Crazyfast 4, — распавёў «РБ Спорт» работнік «Спортмайстра Аляксандр, які дапамагаў футбалістам з купляй. — Агулам выйшла дзесьці на 100 тысяч рублёў (каля 1200 даляраў).
Усё аплаціў Расійскі футбольны саюз: з імі быў расійскі агент, ён якраз аплаціў, таму што ў яго рублі былі — у іх [дэлегацыі зборнай Кубы] замежныя купюры. У іх там свае дамоўленасці, скажам так.
Чаму толькі адна пара Demix? Патрэбны быў вялікі памер, з Puma і Adidas настолькі вялікага не знайшлося, падышоў Demix».
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары