За мяжу ездзіў усяго тры разы. Што вядома пра самага публічнага спікера КДБ
Канстанцін Бычак пастаянна з'яўляецца ў дзяржСМІ і каментуе працу КДБ, стаўшы самай медыйнай асобай гэтага ведамства.
У лістападзе намеснік начальніка следчага ўпраўлення КДБ Канстанцін Бычак анлайн падключыўся да семінара, які праходзіў у Беларускім моладзевым хабе ў Варшаве. Праз месяц ён паўтарыў «спецаперацыю» — далучыўся ўжо да анлайн-занятку «Вольнага беларускага ўніверсітэта», спрабуючы «напалохаць удзельнікаў». Сам Бычак пастаянна з'яўляецца ў дзяржСМІ і каментуе працу КДБ. «Люстэрка» паспрабавала знайсці факты пра самага публічнага беларускага «чэкіста».
Паводле інфармацыі «Белпола», Канстанціну Бычаку 38 гадоў. Ён нарадзіўся ў Гарадку Віцебскай вобласці. Яго бацька — Фёдар Бычак — працаваў начальнікам фінаддзела ў Гарадоцкім райвыканкаме і ўваходзіў у раённы савет дэпутатаў у 2014-2018 гадах. Таксама ён некалькі разоў быў старшынёй мясцовых выбарчых камісій: на парламенцкіх выбарах 2016 года і на выбарах мясцовых дэпутатаў у 2018 годзе.
Канстанцін Бычак жанаты, у яго двое дзяцей: сын і дачка.
З адкрытай базы публічных асоб Беларусі і Расіі вядома, што жонка сілавіка — Дар'я Бычак — працавала ў віцебскай паліклініцы і Мінскай абласной дзіцячай клінічнай бальніцы (верагодна, на адміністрацыйных пасадах).
У 2014 годзе яна ўладкавалася спецыялістам па продажах у «Белвітапрадукт». Кампанія займаецца аптовым продажам прадуктаў харчавання, напояў, тытунёвых вырабаў. З інфармацыі на сайце kartoteka.by вынікае, што «Белвітапрадукт» цяпер знаходзіцца ў працэсе ліквідацыі. Ці працавала там жонка Бычака да апошняга часу, невядома.
Паводле звестак «Белпол», да 2020 года Бычак усяго тры разы бываў за мяжой: ва Украіне ў 2012 годзе, у Расіі (Маскве) і Грузіі ў 2019 годзе.
У базах арганізацыі былых сілавікоў ёсць звесткі, што ў 2012 годзе Бычака абакралі ў Мінску. З яго машыны (Kia Shuma) скралі маёмасці на 400 тысяч рублёў (сума да дэнамінацыі, у пераразліку на цяперашнія грошы — гэта 40 рублёў).
З баз сілавікоў таксама вядома званне Канстанціна Бычака ў КДБ — палкоўнік. Апошнія гады дзяржСМІ прадстаўляюць яго як «намесніка начальніка следчага ўпраўлення КДБ». Але да 2021 года яго пасада гучала інакш — ён быў начальнікам упраўлення. Апошні раз так Бычака прадставілі ў снежні 2020 года, калі ён каментаваў «справу Аўтуховіча». Магчыма, у пачатку 2021 года сілавіка з нейкіх прычын панізілі на пасадзе.
У публічным полі Канстанцін Бычак з'явіўся ў пачатку 2020 года.
Тады, яшчэ да прэзідэнцкіх выбараў і пратэстаў, ён распавядаў на беларускім тэлебачанні падрабязнасці рэзананснай справы аб хабарах у беларускай цукровай кампаніі.
Пасля затрымання Віктара Бабарыкі і іншых кіраўнікоў «Белгазпрамбанка» летам 2020 года Бычак публічна агучыў дэталі «карупцыйнай схемы «паміж банкам і кампаніяй»Прыватлізінг».
З тых часоў сілавік рэгулярна выступае ў якасці спікера КДБ па палітычных справах, звязаных з пратэстамі ў Беларусі і вайной ва Украіне. Прычым робіць гэта ці ледзь не часцей, чым афіцыйны спікер арганізацыі — Андрэй Яраш.
Сёння кадэбісты зноўку далучыліся да заняткаў ВБУ. Расказваем, што яны маглі даведацца і як абараніць сябе ў анлайн-адукацыі
«Вы пад кантролем». Супрацоўнік КДБ падключыўся да анлайн-занятку Вольнага беларускага ўніверсітэта
Афіцэр КДБ уключыўся ў жывы эфір семінара па бяспецы ў Беларускім моладзевым хабе
«Першыя дзве хвіліны думаў, што гэта жарт». Наведнік семінара па бяспецы, да якога далучыўся КДБ, расказаў, што там адбывалася
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары