Жыхара Кобрына затрымалі за нумарную рамку з «Пагоняй» на машыне
Мужчыну аштрафавалі за тое, што на ягоным аўтамабілі была нумарная рамка з гербам «Пагоня». На думку суда, мужчына такім чынам праводзіў палітычны пікет. Пастанова з'явілася ў банку судовых рашэнняў, адзначае «Люстэрка».
Згодна з матэрыяламі суда, аўтамабіль з несанкцыянаванай рамкай заўважылі ў цэнтры горада, каля гасцініцы «Беларусь» на вуліцы Савецкай. Яго гаспадар працуе галоўным спецыялістам нейкага ААТ, магчыма, Беларусбанка, які знаходзіцца ў суседнім будынку.
«Размясціў для ўсеагульнага агляду і публічнай дэманстрацыі на нумарной рамцы транспартнага сродку, які належыць яму, незарэгістраваны ва ўстаноўленым парадку герб П., чым правёў адзіночны пікет з мэтай выказвання сваіх грамадска-палітычных поглядаў», — гаворыцца ў пастанове.
Сам кобрынец прызнаў віну часткова (мабыць, не адмаўляў наяўнасці такой рамкі, але не быў згодны з тым, што гэта пікет). Аднак у суда знайшоўся сведка, які пацвердзіў яго «віну».
Мужчыну далі штраф 40 базавых велічынь, або 1480 рублёў.
У 1992-1995 гадах герб «Пагоня», які быў тады дзяржаўным, размяшчаўся проста на аўтамабільных нумарах і быў іх абавязковай часткай — такім быў устаноўлены ўзор рэгістрацыйнага знака.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары