Лукашэнка няшчадна паляпшае інвестклімат у краіне. Яшчэ адна навацыя для замежных бізнэсменаў
Меры па процідзеянні вываду капіталу з Беларусі павінны ўключацца вокамгненна, заявіў Аляксандр Лукашэнка на нарадзе з кіраўніцтвам Саўміна. І анансаваў чарговыя меры.
Адной з тэм нарады 18 студзеня стала супрацьдзеянне вываду капіталу.
Лукашэнка ўпэўнены, што Беларусь прапануе замежным інвестарам адны з лепшых умоў у свеце, у іх ліку прэферэнцыі, ільготы, інфраструктуру і шмат іншага: «Прыходзь і працуй», — сказаў ён.
Праблемы ж, як вынікае, пачнуцца, калі інвестар стане атрымліваць прыбытак.
«Прыходзь і працуй. Але не дзеля нажывы за кошт нашага народа, — удакладніў Лукашэнка. — А калі нехта паспрабуе, ёсць механізмы супрацьдзеяння і ўразумення».
Лукашэнку хвалюе адток грошай у «недружалюбныя» краіны, а таксама «мэтанакіраваны вывад прыбытку за межы Беларусі».
«На практыцы загараджальныя меры павінны ўключацца вокамгненна і без усялякага разварушвання», — запатрабаваў ён.
«Каб абараніць нашу эканоміку ад бязмежжа Захаду ва ўмовах нарастальнага санкцыйнага ціску, мы прынялі шэраг сістэмных дакументаў, і сёння ні адзін акцыянер або ўласнік, які мае грамадзянства недружалюбнай краіны, не мае права без спецыяльнага дазволу ўрада і ўнёску ў бюджэт распрадаваць маёмасць, агаляючы асноўныя фонды эканомікі», — нагадаў ён.
Як прыклад Лукашэнка прывёў Макдональдс, з якім у Беларусі «выдатна разабраліся». «Мы дамовіліся: ніякай маёмасці мы нікому не прадаём, не перадаём, калі ў выніку санкцый ці нейкіх іншых прычын замежнікі, якія маюць тут уласнасць, прадпрыемствы, кампаніі, сыходзяць з нашага рынку.
Як я казаў, дасвідос — мы разбярэмся самі. І, як паказвае той жа «Макдональдс», мы выдатна ў гэтым разабраліся: людзі з задавальненнем ходзяць туды», — дадаў ён.
Што будзе новага
Раней беларускі ўрад вызначыў парадак выдачы дазволаў на продаж бізнэсу замежнікамі і іншыя падобныя дзеянні.
Цяпер замежнікі будуць атрымліваць дазвол не толькі на продаж акцый ці доляў у кампаніях. Дазвол трэба будзе таксама на продаж маёмасці (долі ў ёй) і на рэарганізацыю юрыдычнай асобы, у якой сярод уласнікаў ёсць замежныя грамадзяне.
Орган улады ў сваю чаргу не толькі вырашыць, ці магчымы продаж бізнэсу, але і вызначыць, які ўнёсак за гэта трэба зрабіць у дзяржбюджэт.
-
У эканамічным плане сярэднестатыстычны беларус цяпер жыве лепш, чым 6 гадоў таму, а немец — не. Як такое магчыма?
-
Беларускія дальнабоі ў Еўропе: гарачая дыскусія ў сацсетках пра тое, у якой краіне яны зарабляюць найбольш і маюць найлепшыя ўмовы працы
-
Кастрычнік, а фермеры пад Гроднам на ўсю моц збіраюць клубніцы. Дзякуючы новаму сорту
Цяпер чытаюць
«Калі ўжо сюды прыляціць украінская ракета!» Вызвалены журналіст Яўген Меркіс расказаў пра шклоўскую калонію7
Каментары