У скверы 700-годдзя Магілёва днямі высеклі дубы, якім было больш за сто гадоў. Рэч у тым, што на Пушкінскім праспекце, які праходзіць побач, плануецца пашырэнне палос руху, і менавіта гэта стала прычынай высякання дрэў у скверы, піша «Могилев-Онлайн».
Жыхары Магілёва пры гэтым упэўненыя, што такіх радыкальных захадаў можна было пазбегнуць. Дубы былі ўжо даволі старыя і прыгожыя, і ніякіх хвароб у іх не было.
Нават рабочыя, якія працуюць на пляцоўцы, упэўненыя — рашэнне можна было знайсці іншае. Бо заторы на магілёўскім Пушкінскім праспекце ў асноўным адбываюцца з-за вялікай колькасці пешаходаў і святлафораў, якія «тармозяць» машыны. А гэта можна было б вырашыць, зрабіўшы падземны пешаходны пераход або пешаходны мост.
«Магілёўзеленбуд» абяцае замест ссечаных дубоў пасадзіць маладыя дрэвы.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары
І нікога не пытаюць, робяць што хочуць.
Затое зносяць помнікі Каліноўскаму, Генюш і іншых па "шматлікіх просьбах неабыякавых людзей"
Насельніцтва трывае. Такім чынам 30 гадоў