Пажарнікі ў Іспаніі некалькі гадзін змагаліся, спрабуючы выратаваць людзей з ахопленага агнём шматпавярховіка
Пажар у Валенсіі ўзнік у 14-павярховым доме ў раёне Кампанар і перакінуўся на суседні будынак.
Пажарнікі ратавалі людзей з балконаў, і, іншыя людзі маглі апынуцца ў пастцы ўнутры, піша Бі-бі-сі.
Прынамсі 19 чалавек, у тым ліку шэсць пажарнікаў і маленькае дзіця, атрымалі раненні. Чатыры чалавекі загінулі.
Больш за 20 пажарных брыгад змагаліся з агнём, а людзей заклікалі трымацца далей ад гэтага раёну. У будынку 138 кватэр, у якіх пражывалі 450 чалавек.
Па паведамленнях мясцовых жыхароў, пажарнікі з дапамогай пад'ёмных кранаў выратавалі некалькіх жыхароў, у тым ліку сямейную пару, якая жыве на сёмым паверсе.
Адна з жанчын распавяла тэлеканалу TVE, што бачыла, як пажарнікі спрабавалі выратаваць падлетка, які быў на другім паверсе будынка.
Прычыны ўзгарання пакуль няясныя, але ў краіне ўжо гучаць пытанні аб матэрыялах, якія выкарыстоўваліся пры будаўніцтве будынка.
Эстэр Пучадэс, віцэ-прэзідэнт каледжа прамысловых тэхнічных інжынераў Валенсіі, паведаміла, што раней яна ўжо аглядала будынак. Паводле яе слоў, звонку дом быў аздоблены поліўрэтанавым матэрыялам, які больш не выкарыстоўваецца з-за боязі з нагоды ўзгаральнасці.
Адзін чалавек, які жыве на другім паверсе будынка, распавёў, што полымя хутка разрасталася пасля таго, як пажар пачаўся, як мяркуецца, на чацвёртым паверсе.
«Агонь распаўсюдзіўся за 10 хвілін», — сказаў ён, дадаўшы, што прычынай распаўсюджвання агню мог стаць матэрыял на фасадзе будынка.
На думку інжынера Давіда Хігуэры, прычынай хуткага распаўсюду агню магла стаць абліцоўка будынка.
Алюмініевыя пласціны з пластыкавым уцяпляльнікам, якія пакрываюць фасад, вельмі добра ізалююць ад спёкі і холаду, але вельмі гаручыя.
«Прыгнечаны жахлівым пажарам у будынку ў Валенсіі, — напісаў у сацсетцы X прэм'ер-міністр Іспаніі Педра Санчэс. — Хачу выказаць салідарнасць усім пацярпелым і ўдзячнасць усім супрацоўнікам экстранных службаў, якія працуюць на месцы здарэння».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары
К0 - пажарабяспечныя канструкцыі. уцяпляльнік - негаручая мінвата.