Пятрухін пра сямейную драму падчас турмы: жонка змяніла прозвішча сабе і сыну
Аўтар ютуб-канала «Народны рэпарцёр» Сяргей Пятрухін у новым выпуску ТОКу расказаў, пра што шкадуе.
Сяргей Пятрухін у мінулым быў вядомым блогерам. У 2020-м годзе ён быў арыштаваны. Выйшаў на волю ён ў снежні 2022 года. А нядаўна праз пагрозу новага затрымання выехаў за мяжу.
Па словах Сяргея, ён шкадуе, што ў выніку ўсіх падзей, што з ім адбыліся, страціў сям'ю.
«Жонка памяняла прозвішча. Сыну памяняла. І маці мая за Лукашэнку. І сястра мяне ў гэтым плане не падтрымлівае».
Акрамя гэтага, як адзначае мужчына, пасля турмы разладзіліся адносіны з сынам. «Там поўны дысбаланс».
Але Пятрухін не тлумачыў сыну, чаму яго пасадзілі:
«Ён вучыцца ў нейкай там школе з міліцэйскім ухілам. Мне жонка сказала: «Ты туды нават не заходзь».
«Але я неяк перажыву», — гаворыць мужчына і адзначае, што разумее, у чым сэнс яго ахвяры:
«Мне вельмі істотна, што пра мяне будуць думаць людзі і мой сын. Потым ён разбярэцца. І калі разбярэцца, будзе мной ганарыцца».
Глядзіце цалкам:
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
А іх быць не павінна. Мне асабіста усё адно, лукашысты мае сваякі ці не. Калі яны нармальныя людзі, я і далей з імі размаўляю. Ніякая палітыка не вартая такіх сварак