Хлопца з Калінкавічаў судзяць за здраду дзяржаве і за порна з непаўнагадовай
Суд над хлопцам ідзе ўжо тры тыдні, але ў чым сутнасць справы — невядома.
Падсуднага клічуць Ягор Краўчэня. Яму 28 гадоў, ён родам з Калінкавічаў. Вядома, што ён вучыўся ў палітэхнічным каледжы, імаверна, у Гомелі. Пасля працаваў рабочым на розных прадпрыемствах. Апошнім месцам працы мужчыны ў базах «Кіберпартызанаў» пазначаная Беларуская чыгунка.
Ягор цікавіўся музыкай і дыджэіў на мясцовых мерапрыемствах у Калінкавічах.
Але было ў яго і падазронае захапленне. Мяркуючы па чатах у тэлеграме, ён уступаў у «блізкія» перапіскі, у тым ліку з маладымі дзяўчатамі. Таксама ў чатах ён прасіў іх «скідваць відэа з сабой».
Затрымалі хлопца ў жніўні 2023-га. Невядома, чаму ім зацікавіліся сілавікі. Ці то арыштавалі за «здраду дзяржаве», а пасля знайшлі ў тэлефоне гарачыя перапіскі, ці то наадварот — спачатку было падазрэнне ў распаўсюдзе порна, а пасля дадалася і «здрада».
Тэлеграм-акаўнт Краўчэні неабаронены. Праз боты, якімі карыстаюцца сілавікі, лёгка адшукаць, каму ён належыць.
Цяпер хлопца судзяць адразу па некалькіх артыкулах. Апроч «здрады дзяржаве», гэта два артыкулы за выраб ці распаўсюд порна (адзін — з удзелам дарослага, другі — з удзелам непаўнагадовага грамадзяніна).
За «здраду дзяржаве» Краўчэню пагражае да пятнаццаці гадоў зняволення.
«Наша Нiва» — бастыён беларушчыны
ПАДТРЫМАЦЬЦяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
НН не стоило вообще на этом заострять внимание. Как будто вы не понимаете сами цену всех этих обвинений... Не надо бросать тень на ещё одного беларуского героя, который видимо передавал некую информацию об оккупантах