Суд у Швейцарыі прызнаў экс-байца САХРа Гараўскага вінаватым у выкраданні Анатоля Красоўскага
Па справе аб знікненні Юрыя Захаранкі яго апраўдалі, піша DW Belarus.
Акруговы суд швейцарскага Санкт-Галена прыйшоў да высновы, што экс-баец САХРа вінаваты ў выкраданні Анатоля Красоўскага, паведамляе праваабарончая арганізацыя Trial International. За гэта яму прызначылі два гады пазбаўлення волі ўмоўна.
Па справе аб знікненні Юрыя Захаранкі апраўдальны прысуд пакінулі ў сіле.
Сёння Кантанальны суд Санкт-Галена ў Швейцарыі павінен быў абвесціць рашэнне па апеляцыі ў справе Юрыя Гараўскага — былога байца беларускага САХРа, які некалькі год таму прызнаўся ў датычнасці да выкрадання трох беларускіх апанентаў рэжыму ў 1999 годзе.
Гаворка ідзе пра былога міністра ўнутраных спраў Юрыя Захаранку, былога віцэ-прэм'ера Віктара Ганчара і бізнесмена Анатоля Красоўскага. Усе трое зніклі пры нявысветленых абставінах, а іх лёс дагэтуль застаецца невядомым.
У 2023 годзе суд першай інстанцыі апраўдаў Гараўскага, палічыўшы, што ягоны ўдзел у злачынствах не быў даказаны па-за разумным сумневам. Сваякі зніклых абскардзілі гэтае рашэнне і дамагаюцца абвінаваўчага прысуду.
Апеляцыйнае слуханне адбылося 22 верасня 2026 года.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары