Нацыянальны аэрапорт Мінск з 25 кастрычніка перайшоў на зімовы расклад палётаў. Ён будзе дзейнічаць да 27 сакавіка 2027 года.
У зімовы сезон рэгулярныя рэйсы плануецца выконваць па 30 кірунках. Пасажыраў будуць абслугоўваць дзесяць авіякампаній.
«Белавія» захавае рэйсы ў Алматы, Астану, Баку, Бангкок, Батумі, Дэлі, Дубай, Екацярынбург, Ерэван, Казань, Калінінград, Кутаісі, Маталу, Маскву, Пхукет, Санью, Санкт-Пецярбург, Стамбул, Ташкент, Тбілісі, Туркменбашы, Тэль-Авіў, Урумчы і Уфу. У Маскве рэйсы будуць выконвацца ў аэрапорты Унукава, Дамадзедава, Шарамецева і Жукоўскі.
Расійскі «Аэрафлот» будзе лётаць у Маскву, у аэрапорт Шарамецева. Авіякампанія «Победа» будзе лётаць у Маскву (Унукава) і Санкт-Пецярбург, «Северсталь» — у Чарапавец, Red Wings — у Самару і Перм.
Air China будзе выконваць рэйсы ў Пекін і Сіань, FlyDubai — у Дубай, Turkish Airlines — у Стамбул, Uzbekistan Airways — у Ташкент, а Somon Air — у Душанбе.
У зімовым раскладзе не будзе сезонных рэйсаў у Махачкалу, Мурманск, Ніжні Ноўгарад і Ульянаўск.
Працягнуць дзейнічаць чартарныя праграмы ў Егіпет і В'етнам.
У аэрапорце папярэдзілі, што ў сувязі з пераходам на зімовы расклад час вылету на некаторых напрамках змяніўся. Актуальную інфармацыю пасажырам рэкамендуюць правяраць на сайце Нацыянальнага аэрапорта Мінск.
Каментары