Памёр былы намеснік старшыні Брэсцкага аблвыканкама Леанід Цупрык
Ён 16 гадоў курыраваў сацыяльную сферу Брэсцкай вобласці, а пасля стаў дэпутатам Палаты прадстаўнікоў. Цупрыку быў 71 год.
Леанід Цупрык памёр 24 кастрычніка. Паводле адукацыі ён быў матэматыкам. Пачынаў працаваць лабарантам і настаўнікам фізікі ў Ляхавічах. Пазней стаў дырэктарам школы ў Баранавічах, а таксама ўзначальваў гарадскі аддзел адукацыі і працаваў намеснікам старшыні Баранавіцкага гарвыканкама.
З 2000 па 2016 год ён быў намеснікам старшыні Брэсцкага аблвыканкама. Адказваў за адукацыю, ахову здароўя, культуру і сацыяльную абарону.
У Палаце прадстаўнікоў VI склікання Цупрык узначальваў камісію па дзяржаўным будаўніцтве, мясцовым самакіраванні і рэгламенце.
Як паведамляе Брэсцкі аблвыканкам, развітанне з ім адбудзецца 27 кастрычніка ў 11:00 у брэсцкім Доме культуры прафсаюзаў на вуліцы Маскоўскай, 275-1.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары