У Пецярбургу цела двухгадовага дзіцяці знайшлі ў халадзільніку. Яго бабулю забілі да смерці. Падазраваны — настаўнік матэматыкі
Цела хлопчыка знайшлі ў халадзільніку, яго 58‑гадовая бабуля была забітая ўдарамі тупога прадмета. Маці дзіцяці здолела вырвацца, выбегчы на вуліцу і паклікаць на дапамогу.
Паводле «Фантанкі», увечары 25 кастрычніка мінакі заўважылі акрываўленую жанчыну каля дома на вуліцы Камісара Грушко ў Пецярбургу. Яна крычала і прасіла дапамогі. Паліцыянты знайшлі ў яе кватэры целы маці і двухгадовага сына.
Выданне піша, што пакуль жанчыны не было дома, у яе кватэру прыйшоў сужыцель, ён забіў маці пецярбуржанкі і дзіця. Калі жанчына вярнулася дадому, мужчына паспрабаваў забіць і яе, але яна вырвалася і здолела ўцячы.
Цяпер 32‑гадовая пацярпелая з траўмамі знаходзіцца ў бальніцы.
Падазраваны — 40‑гадовы настаўнік матэматыкі, піша выданне. Яго педагагічны стаж — 11 гадоў. Выкладаў матэматыку, а раней — фізкультуру.
Яго 32‑гадовая сужыцелька працавала ў той жа школе, выкладала гісторыю і грамадазнаўства. Яе забітая маці таксама была настаўніцай — выкладала англійскую мову.
«Фантанка» сёння таксама паведаміла пра знойдзеную ў кватэры запіску, якую, паводле выдання, пакінуў падазраваны. У ёй мужчына выказвае незадаволенасць тым, што мусіць даглядаць дзіця па выхадных, і піша, што сумняваецца ў сваім бацькоўстве. Гэтыя звесткі афіцыйна не пацверджаныя. Але калі гэта спраўдзіцца, то, не выключана, што забіты хлопчык — яго сын.
Следчы камітэт распачаў крымінальную справу аб забойстве двух чалавек, у тым ліку малалетняга дзіцяці, і замаху на забойства.
Падазраваны не затрыманы, яго шукаюць.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары
I BYLUCH REPRASAVANYCH ASOB
( STALINSKICH CZASOY ) KAB NACHKODZIC IM U ZICCI
TAKI GOLAS CHEPCZA
( JAK BY DYMAECH CHTO ETA TWAE MYSLI )
P.S. RASPAUSYDZWAICE ETA INFO -
BO PRA ETA MALA CHTO WEDAE