Журналістка лукашэнкаўскага пула: Сябры і мой малады чалавек давялі мяне да нервовага зрыву ў 2020-м
Карэспандэнтка БТ Вераніка Бута, якая працуе ў лукашэнкаўскім пуле, расказала, як у 2020-м з-за цкавання трапіла ў бальніцу.
Пра свой нервовы зрыў на хвалі тых падзей яна расказала ў перадачы «Скажінемолчі» на БТ.
«І, на жаль, у гэту бальніцу мяне прывялі мае «сябры». Гэта былі мае знаёмыя, сябры, аднагрупнікі, былыя калегі. Тыя людзі, якім я давярала. У тым ліку гэта быў і на той момант мой малады чалавек.
Былі мае блізкія сябры і тыя людзі, якія раней прыходзілі ў мой дом, да маіх бацькоў. Гэта, напэўна, больш за ўсё мяне падкасіла».
Паведамленняў ад незнаёмцаў Вераніка мала атрымлівала.
«Было літаральна некалькі паведамленняў у сацыяльных сетках з прапановай запісаць відэазварот, што я адракаюся ад журналістыкі беларускай, яны мне адкрываюць візу, я з'язджаю ў Амерыку і выплачваюць там нейкую дапамогу. І яны пачыналі гэта паведамленне (а я ляжала ў бальніцы): «Мы разумеем, як вам цяжка, мы разумеем, што цяпер адчуваеце, якія ў вас ўнутраныя пакуты».
Журналістка пула кажа, што не зламалася толькі таму, што побач была сям'я. Хоць ёй, паводле яе слоў, нібыта пагражалі, што расправяцца з ёй і бацькамі.
Большасць тых, хто ёй пісаў у 2020-м, Вераніка заблакавала. Кажа, што не можа дараваць. Хаця ў яе засталіся сябры з іншымі палітычнымі поглядамі, якія наведвалі яе ў бальніцы.
Маладому чалавеку яна таксама не даравала.
«Магу сказаць яму вялізны дзякуй. Дзякуючы яму я зразумела, які мужчына павінен быць са мной побач. І агулам перагледзела свае погляды на сям'ю, на адносіны», — кажа супрацоўніка пула.
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары
А ў якой бальнічцы ляжала? З нярвовым зрывам. У псіхушцы?