У Ашмянах маці васьмярых дзяцей аштрафавалі на 1000 рублёў за падпіску на «экстрэмісцкія СМІ»
Тэлефон канфіскавалі.
22 лютага ў судзе Ашмянскага раёна судзілі маці васьмярых непаўналетніх дзяцей у дэкрэце.
За падпіску на паблікі «Сумленныя людзі», «Радыё Свабода», «Белсат», «Краіна для жыцця», «Rada.vision» яе аштрафавалі на 25 базавых велічынь (1000 рублёў) з канфіскацыяй тэлефона, паведамляе тэлеграм-канал «Права маю».
29 лютага ў судзе Навагрудскага раёна судзілі прадаўца-касіра крамы і бацьку траіх непаўналетніх дзяцей. Яго за распаўсюд лагатыпа «Белсат» у інстаграме аштрафавалі на 15 базавых велічынь (600 рублёў) з канфіскацыяй мабільнага тэлефона.
6 сакавіка ў судзе Лідскага раёна судзілі беспрацоўнага. За распаўсюд у інстаграме прадукцыі «Люстэрка» і «Nexta_tv» яго арыштавалі на 15 сутак з канфіскацыяй мабільнага тэлефона.
7 сакавіка ў судзе Лідскага раёна судзілі бармэна ТАА. За падпіскі на «экстрэмісцкія рэсурсы» яго арыштавалі на сем сутак без канфіскацыі.
Каментары