Сілавікі расказалі, як скарысталі ў сваіх інтарэсах сямейную драму
Адзін з праўладных тэлеграм-каналаў паведаміў пра затрыманне мужчыны, які шантажаваў былую жонку магчымасцю «зліву» інфармацыі пра яе ўдзел у пратэстах 2020 года. Але ў выніку, як сцвярджаецца, ён наклікаў бяду на самога сябе.
На камеру мужчына гаворыць, што такім шантажом ён нібыта хацеў урэгуляваць спрэчку пры падзеле маёмасці пасля разводу. Ліст з фотаздымкамі былой жонкі з пратэстаў мужчына адправіў на яе працу. Але жанчына згуляла на апярэджанне: прыйшла ў міліцыю добраахвотна і прызналася, што ўдзельнічала ў пратэстах, але разам з былым мужам.
Пасля таго жанчыну нібыта адпусцілі, а мужчыну затрымалі, дакінуўшы яму на словах апрача палітычных артыкулаў яшчэ і абвінавачванні ў незаконным захоўванні зброі і боепрыпасаў.
Па якім менавіта артыкуле мужчына ўсё ж затрыманы і дзе цяпер знаходзіцца, невядома.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары