Еўрапейскія палітыкі атрымлівалі ад Расіі сотні тысяч еўра.
Аб раскрыцці дзейнасці сеткі ўплыву, якая дзейнічала ў Чэхіі і фінансавалася Расіяй, заявіў прэм'ер-міністр Пётр Фіала (Petr Fiala). Дакументы аб гэтым прадставіла контрразведка краіны.
У цэнтры аперацыі ўплыву, як сцвярджае чэшскі ўрад, знаходзіўся навінавы сайт «Голас Еўропы». На ім у шматлікіх інтэрвʼю выказваюцца еўрапейскія палітыкі, якія вызначаюцца правапапулісцкімі і праваэкстрэмісцкімі поглядамі.
Па інфармацыі Der Spiegel, грошы палітыкам з Германіі, Францыі, Польшчы, Бельгіі, Нідэрландаў і Венгрыі перадаваліся як падчас асабістых сустрэч у Празе, так і шляхам пераводу крыптавалюты. Гаворка ідзе пра некалькі соцень тысяч еўра.
Па інфармацыі выдання, у выкрыцці расійскай аперацыі ўплыву прымалі ўдзел спецслужбы некалькіх краін.
27 сакавіка чэшскі ўрад унёс кампанію, якой належыць «Голас Еўропы», яе меркаванага ўладальніка Віктара Медзведчука (якога медыя называюць «кумам Уладзіміра Пуціна») і дырэктара Арцёма Марчэўскага ў санкцыйны спіс. Як сцвярджаецца, менавіта Марчэўскі, які раней быў прадзюсарам тэлеканала «112 Украіна», што належаў Медзведчуку, зʼяўляецца фактычным кіраўніком «Голасу Еўропы».
Чэшскі ўрад сцвярджае, што Медзвядчук і яго давераная асоба Марчэўскі выкарыстоўвалі «Голас Еўропы» ў некалькіх краінах ЕС «для тайнага аказання фінансавай падтрымкі абраным асобам сярод кандыдатаў на выбарах у Еўрапарламент». Сярод мэтаў — «спрыянне прапагандысцкай дзейнасці», накіраванай супраць Украіны.
Сайт «Голас Еўропы» быў запушчаны ў чэрвені 2023 года. Навіны на ім выпускаюцца на больш чым 10 мовах, уключаючы рускую. Англамоўны тэлеграм-канал з аналагічнай назвай мае каля 1500 падпісчыкаў.
Як адзначае выданне, з заявы чэшскіх уладаў застаецца незразумелым, якім менавіта чынам Медзвядчук кантраляваў сайт і кампанію, якая, адпаведна чэшскаму Гандлёваму рэестру належыць грамадзяніну Польшчы Яцаку Якубчыку. Невядомыя і імёны палітыкаў, якія атрымлівалі грошы.
Чытайце яшчэ:
На руінах «прыгожынскай імперыі троляў» у Расіі стварылі «сусвет троляў». Як ён дзейнічае?
Расійская разведка запусціла хвалю дэзынфармацыі аб біялагічных выпрабаваннях ЗША на жыхарах Афрыкі
Лукашэнка нервова пракаментаваў візіт Ціханоўскай у Кіеў45
Каментары
А для избалованного комфортом европейца +50 евро коммуналки трагедия больше, чем десятки тысяч убитых украинцев