Абвінавачаныя ў тэракце ў «Крокусе» «прызналіся», што ехалі ў Кіеў па ўзнагароджанне
Абвінавачаныя ў здзяйсненні тэракту ў «Крокусе» паехалі ў бок расійска-ўкраінскай мяжы, нібыта кіруючыся інструкцыямі мужчыны, які каардынаваў іхнія дзеянні з дапамогай галасавых паведамленняў у Telegram, паведаміў расійскі Следчы камітэт.
«Па ўказанні каардынатара тэрарысты пасля здзяйснення злачынства на аўтамабілі паехалі ў бок расейска-ўкраінскай мяжы для наступнага яе перасячэння і прыбыцця ў Кіеў для атрымання абяцанага ім узнагароджання», — гаворыцца ў афіцыйным паведамленні Следчага камітэта.
Ці ёсць усяму гэтаму нейкія фактычныя доказы, а не толькі сведчанні падазраваных, не паведамляецца.
Варта адзначыць, што пасля таго, як падазраваных у тэракце затрымалі, расійскія сілавікі нават не рабілі выгляду, што следчыя дзеянні з імі абыходзяцца без прымянення жорсткіх катаванняў. Увесь свет абляцелі кадры, як падчас затрымання ва ўжо пакладзенага на зямлю чалавека адразаюць вуха і патрабуюць яго есці. Пасля прынамсі аднаго з затрыманых катавалі пры дапамозе электрычнага току, а на суд, які вырашаў пытанне аб арышце падазраваных на два месяцы, усіх іх прывезлі з выразнымі прыкметамі збіцця, а адзін з мужчын увогуле не мог самастойна рухацца.
Між тым, сёння Басманны суд Масквы адправіў пад арышт ужо дзявятага падазраванага ў тэракце. У матэрыялах справы гаворыцца, што затрыманы ён быў на наступны дзень пасля тэракту з-за нецэнзурнай лаянкі пры праверцы дакументаў. Спачатку мужчына атрымаў адміністрацыйны арышт, а крымінальны склад з'явіўся пазней.
Шматдзетны бацька, беспрацоўны, прыхільнік тэлеграм-прапаведнікаў і няспраўджаны барбер. Што вядома пра абвінавачаных у страляніне ў «Крокусе»
У расійскага спецназаўца, які адрэзаў вуха затрыманаму таджыку, на форме нашыўка з колаваротам, прыроўненым да свастыкі
«Джыхадысты асаблівай розніцы паміж Беларуссю і Расіяй не робяць». Ці пагражаюць тэракты ІДІЛ Беларусі?
Лукашэнка знайшоў незвычайныя словы для спачування Хаменеі: «вераломная атака»27
Каментары