У сталіцы Эквадора паліцыя ўварвалася ў пасольства Мексікі, каб арыштаваць былога віцэ-прэзідэнта
Некалькі дыпламатаў атрымалі раненні падчас штурму. Прэзідэнт Мексікі ў адказ прыпыніў дыпламатычныя адносіны.
Паліцыя Эквадора ўварвалася ў пасольства Мексікі ў сталіцы краіны Кіта, каб затрымаць былога віцэ-прэзідэнта Эквадора Хорхе Гласа, які са снежня 2023 года жыў на тэрыторыі дыпмісіі, піша РБК.
5 красавіка ўлады Мексікі вырашылі даць яму палітычны прытулак. МЗС Эквадора назваў надаванне прытулку экс-віцэ-прэзідэнту незаконным і запатрабаваў выдаць яго. У МЗС Мексікі паведамілі, што некалькі дыпламатаў атрымалі раненні падчас штурму. Віцэ-прэзідэнта Эквадора затрымалі.
Пасля гэтага прэзідэнт Мексікі Андрэс Мануэль Лопес Абрадор заявіў, што дыпламатычныя адносіны паміж Эквадорам і Мексікай прыпыненыя.
«Гэта абуральнае парушэнне міжнароднага права і суверэнітэту, таму я даручыў нашаму канцлеру <…> аб'явіць аб прыпыненні дыпламатычных адносін урада Мексікі з Эквадорам», — сказаў Абрадор.
***
Хто такі Хорхе Глас і чаму ён патрэбны паліцыі
Хорхе Глас — палітычны і дзяржаўны дзеяч Эквадора. Быў віцэ-прэзідэнтам з 2013 па 2017 год.
Ён праходзіць абвінавачаным па справе аб карупцыі. Глас і яшчэ 19 абвінавачаных па справе аб хабарніцтве павінны былі паўстаць перад судом у 2012-2016 гадах. Выяўлена 837 доказаў, якія даказваюць злачынствы гэтых асоб. сума шкоды дзяржаве ў рамках справы перавышала $7 млн.
З 2017 па 2022 год ён ужо адбываў пакаранне ў турме. А ў снежні 2023 года ён папрасіў прытулку ў пасольстве Мексікі ў Кіта.
Цяпер чытаюць
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары