Грамадства22

БДУІР набярэ больш мэтавікоў. Айцішнікаў забяруць сілавікі, ваенпрам, «Камунарка»

БДУІР паказаў новы план: айцішнікаў-мэтавікоў будзе больш.

Фота: БелТА

Усяго сёлета ўніверсітэт збіраецца набраць 62 мэтавікоў. Падчас мінулай уступнай кампаніі мэтавікам было адведзена 41 месца, усяго было пададзена 60 заявак, піша Devby.io.

Асаблівасці набору мэтавікоў у БДУІР

  • Абітурыентаў адбірае заказчык з ліку грамадзян Беларусі, замежных грамадзян і асоб без грамадзянства, якія пастаянна пражываюць у Беларусі і з’яўляюцца выпускнікамі ўстаноў адукацыі Беларусі.
  • Прыём дакументаў: ад 27 чэрвеня да 2 ліпеня.
  • Правядзенне ўступных іспытаў: ад 4 да 10 ліпеня.
  • Абітурыенты, якія паступаюць для атрымання вышэйшай адукацыі на ўмовах мэтавай падрыхтоўкі, за выключэннем асобных спецыяльнасцяў, здаюць адное ўнутранае ўступнае выпрабаванне па вучэбным прадмеце, які вызначаны прадметам першага профільнага выпрабавання.
  • Залічэнне: да 12 ліпеня.

Сёлета больш за ўсё месцаў (14) БДУІР зарэзерваваў для кампаніі «Інтэграл». У 2023 «Інтэгралу» выдзелілі 12 месцаў для мэтавікоў.

Прадпрыемства распрацоўвае і вырабляе мікраэлектронныя кампаненты і вырабы электроннай тэхнікі, уключаючы ваенную тэхніку. Яму патрэбныя новыя супрацоўнікі, якія навучаюцца на трох спецыяльнасцях: «электронныя сістэмы і тэхналогіі», «нанатэхналогіі і нанаматэрыялы», «мікра– і нанаэлектроніка».

Некалькі месцаў выдзелена для мэтавікоў, якія плануюць працаваць на іншых прадпрыемствах ваенпраму, у прыватнасці, «Пеленг» і «558 Авіяцыйны рамонтны завод». Дарэчы, абодва прадпрыемствы разам з «Інтэгралам» — пад санкцыямі.

Павялічылася колькасць месцаў для айцішнікаў, якія патрэбныя сілавым структурам. Летась для навукова-тэхнічнага цэнтра КДБ і Дэпартамента забеспячэння аператыўна-вышуковай дзейнасці МУС было зарэзервавана 7 месцаў. Сёлета 9 месцаў зарэзервавана для МУС. 

Як і летась, БДУІР плануе рыхтаваць па мэтавых напрамках спецыялістаў для мытні. Два месцы зарэзерваваныя для прадпрыемства «Камунарка».

Як змянялася палітыка дзяржавы ў дачыненні да мэтавікоў

У 2022 годзе ў абноўленым Кодэксе аб адукацыі знялі абмежаванні для арганізацый і прадпрыемстваў, якія прэтэндавалі на мэтавы набор спецыялістаў. Раней такія арганізацыі і прадпрыемствы мусілі знаходзіцца альбо ў малых гарадах (з насельніцтвам не большым за 20 тысяч) альбо на забруджаных тэрыторыях. 

Гэта дазволіла ВНУ павялічыць набор мэтавікоў. У 2022 годзе планавы набор склаў 3,2 тысячы, у 2023 годзе — каля 4 тысяч. 

ВНУ медыцынскага профілю далі магчымасць набіраць да 80% мэтавікоў ад агульнай колькасці (было 50%). На спецыяльнасці, звязаныя з сельскай гаспадаркай, ветэрынарыяй, рыбнай гаспадаркай, аховай працы, можа паступаць да 70% абітурыентаў з мэтавым напрамкам (было 60%). Па іншых спецыяльнасцях — да 60% ад кантрольных лічбаў прыёму (было 40%).

Таксама змяніўся фармат паступлення мэтавікоў у ВНУ. Раней яны здавалі два або тры ЦТ у залежнасці ад спецыяльнасці. У 2023 годзе для мэтавікоў увялі адзін унутраны экзамен у вуснай або практычнай форме па профільным прадмеце спецыяльнасці.

Дарэчы, пакуль пасля мэтавай падрыхтоўкі выпускнікі ВНУ мусяць адпрацаваць у заказчыка не менш за 5 гадоў. Але летась Лукашэнка прапанаваў разгледзець магчымасць павялічыць у Беларусі тэрміны адпрацоўкі. У прыватнасці, для мэтавікоў — да 7 гадоў.

Каментары2

  • не поможет
    09.05.2024
    После 2020 года, качество образования в Беларуси, рухнуло ниже плинтуса, умных профессоров и преподавателей посадили, повыгнали. Оставшиеся махнули рукой и не выкладываются, как раньше, работают на отстань, а дураков поболело в разы, заняли места посаженных и повыгнанных.
    Поэтому, айтишники-целевики, для силовых структур, эти структуры не спасут. Правда вузденьги освоит, это да, разделив среди своих дураков.
    Дешевле и проще, сразу, красауца с дубинкой, садить на место айтишника.
  • fafa
    09.05.2024
    если это НЕ РАБСТВО? то как оно тогда выглядит?

Цяпер чытаюць

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў8

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў

Усе навіны →
Усе навіны

Мінскія ўлады пракаментавалі чуткі пра адмену станцыі метро «Прафсаюзная»6

Intercars таксама адмяніла рэйс у Літву

«Пояс крэпасцяў» на Данбасе: чаму ён важны для Украіны1

Што адбываецца з квіткамі на аўтобусы з Мінска ў Вільню пасля масавай адмены рэйсаў? Гэта нешта ненармальнае19

Пастаўкі нафты па нафтаправодзе «Дружба» ў Еўропу зноў спыніліся3

Кім Чэн Ын узнагародзіў вайскоўцаў, што ваявалі з Украінай8

Хлопец паскардзіўся, што праз калапс на мяжы не можа выехаць з Варшавы ў Мінск. Беларусы падзяліліся лайфхакамі9

Беларусы ў сацсетках абураюцца, што дэкрэтніцам нібыта плацяць больш, чым тым, хто ходзіць на працу28

Бум на бікіні-стрынгі. Гэта бодзіпазітыў ці нешта іншае?28

больш чытаных навін
больш лайканых навін

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў8

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў

Галоўнае
Усе навіны →

Заўвага:

 

 

 

 

Закрыць Паведаміць