Спявачку Ляўчук і блогера Павука будуць завочна судзіць па 14 артыкулах Крымінальнага кодэкса
У Брэсцкім абласным судзе 31 мая пачнуць судзіць оперную спявачку Маргарыту Ляўчук, блогера Андрэя Павука, Вольгу Павук, Аляксандра Чахоўскага, Іллю Салянкова і Уладзіслава Наважылава. У справе фігуруе адразу 14 артыкулаў Крымінальнага кодэкса, піша Белсат.
Маргарыта Ляўчук. Фота: ОСЦ
Суд пройдзе завочна. Сярод абвінавачванняў «здзек з дзяржаўных сімвалаў», «знявага Лукашэнкі», «садзейнічанне экстрэмісцкай дзейнасці», паведамляе «Берасцейская Вясна».
Сутнасць абвінавачванняў невядомая, і даведацца іх не атрымаецца, паколькі суд пройдзе ў закрытым рэжыме. Суддзя — Святлана Крамянеўская.
Андрэй Павук і Маргарыта Ляўчук стварылі праект «Красная Зелень» з сатырычнымі песнямі. У 2022 годзе спявачку аб’яўлялі ў вышук паводле артыкула 370 КК («здзек з дзяржаўных сімвалаў»).
Цяпер чытаюць
Падазронага актывіста-стукача Паўла Бялюціна прывезлі з Турцыі3
Падазронага актывіста-стукача Паўла Бялюціна прывезлі з Турцыі
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1111
Каментары